|
မဂ္ဂဇင်း -
ကဗျာ
|
|
Written by ပန်ဒိုရာ
|
|
Tuesday, 20 March 2012 14:01 |
 ငါ့ပူစီကို ဘယ်မှာထားသွားသလဲ - ပြော
မျက်လုံးလေးကြောင်ကြောင်ထိုးထွက်ပြူးတူး
ပါးနှစ်ခြမ်းမှာဖြာကျနေတဲ့နှုတ်ခမ်းမွှေးစစနဲ့
ညင်ညင်သာသာပွတ်သတ်ချွဲနွဲ့တတ်သူ
အစာဝတဲ့အခါ အပုံလိုက်ကလေးငြိမ်သက်ခွေအိပ်သူ
ငါ့ပူစီကို တစ်ယောက်ယောက်က စားသွားပြီလား
တစ်ယောက်ယောက် ကစား သွားပြီလား
ပူစီ - လေနုအေးလေး တနွဲ့နွဲ့နော့နေဆဲလေ
ပူစီ - မိုးရေတွေ တောက်-တောက်-တောက် နှင်းဖတ်တွေ ပေါက်-ပေါက်-ပေါက်
ပူစီ - အခုလောက်ဆို စိုစွတ်ချမ်းတုန်နေရှာရော့မယ်
ပူစီ - မင်းသိပ်ကြိုက်တဲ့ နို့ဖြူဖြူတွေကို မက်မက်မောမော လျှာနဲ့လျက်ခဲ့
ပူစီ - ဘဂ္ဂဒက်ရှေ့တန်းစစ်မျက်နှာတုန်းက ဘတပြန်ကျားတပြန် အနိုင်မခံ
ပူစီ - ဆီးရီးယားအရေးအခင်းမှာ တက်ကြွတော်လှန်သူတစ်ဦးအဖြစ်
ပူစီ - အာရပ်ကမ္ဘာမှာ ပုဝါပါးလေး အလွှားခံထားရသော
ပူစီ - ဒီနှစ်နွေဦးကို ဘယ်လိုတက်ခွစီးနင်းရမှာလဲ
ပူစီ - စကားပြောရင် နိုင်ငံရေးတွေ မပါကြေးကွာ
စီတီဇင်ဂျာနယ်လစ်တစ်ဦး နောက်ဆုံးချန်ခဲ့သော အော့ဖ်လိုင်း မက်ဆေ့ခ်ျ:
မျက်မြင်တွေ့ရှိသူများ၏ စကားအရ ပူစီသည် ညိုးညိုးညင်ညင် မြည်တမ်းလျက်
အနီနုရောင် ဘူးသီးပုပ်တစ်လုံးကို ပွေ့ပိုက်ကာ
လိုင်းစိတ်လိုင်းကျဲများကိုပါးဖြဲနားဖြဲ ဝါးမျိုခဲ့ပြီးနောက် “အာဂ”
ဟုအမည်ရသော ငှက်တစ်ကောင်၏ ပင်လယ်ဓားပြကော်ပီ အတောင်ပံ ကို လက်မ
အတောင့်ပေါက် မှတဆင့် တပ်ဆင်ရန် ကြိုးစားသော်လည်း နားရွက်တစ်ဖက်သာ
တလှုပ်လှုပ် ကျန်ရစ်ခဲ့ကြောင်း
ကလေကဝတွေနဲ့
အလေမထနဲ့ ပူစီ။
ပန်ဒိုရာ
၁၈-၂ဝ.၃.၂၀၁၂
(pussy riot သို့)
Add this page to your favorite Social Bookmarking websites
|
|
Last Updated on Sunday, 25 March 2012 04:13 |
