User Rating: 0 / 5

Star InactiveStar InactiveStar InactiveStar InactiveStar Inactive
 

 

ပန်းချီဆရာမင်းသူရိန်ရဲ့ လေဟာနယ်၊နေရာလွတ် တင်ဆက်ပြသ

 

မြန်မာခေတ်ပြိုင်အနုပညာရှင်တစ်ဦးဖြစ်သူ ပန်းချီဆရာမင်းသူရိန်(ကဗျာဆရာလင်းသဏ်ညီ)၏လေဟာနယ်၊နေရာလွတ် အနုပညာတင်ဆက်မှုကို ရန်ုကုန်တွင်နိုဝင်ဘာ  နေ့မှ ၁၈ ရက်နေ့အထိပြသခဲ့သည်။အဆိုပါအနုပညာတင်ဆက်မှုအား အဆင့်သုံးဆင့်ဖြင့်တင်ဆက်ထားပြိး အစီအစဉ် ၁ မှာ ပြပွဲစီစဉ်ခြင်းနှင့်ဖိတ်ကြားခြင်းဖြစ်သည်။အဆိုပါအစီအစဉ်ကိုတင်ဆက်ရာတွင် မင်းသူရိန်သည် ပြပွဲအားစတင်ရန်ပြင်ဆင်ခြင်း၊ ဖိတ်စာများကို ရန်ကုန်မြို့လယ်လမ်းများပေါ်တွင် လက်ကမ်းခြင်းstreet performance ပြကွက်လုပ်ဆောင်ခြင်းကိုတင်ဆက်ပြသခဲ့သည်။အစီအစဉ် ၂ မှာနိုဝင်ဘာ ၁၇ရက်နေ့နံနက် ၈နာရီမှစတင်ကာရန်ကုန်မြို့စမ်းချောင်းမြို့နယ်ရှိနေအိမ်(စတူဒီယို)မှ ပြပွဲတွင်အသုံးပြုမည့် အထောက်အပံ့ပစည်းများအား ရန်ကုန်မင်္ဂလာတောင်ညွန့်မြို့နယ်အလံပြဘုရားလမ်းရှိ Myanmar Ink

ပန်းချီပြခန်းသို့လမ်းတလျှောက်သယ်ဆောင်ခြင်း၊ပြခန်းတွင်စတင်နေရာချခြင်း၊တပ်ဆင်ခြင်းဖြစ်သည်။အဆိုပါအစီအစဉ်ကိုတင်ဆက်ရာတွင်မင်းသူရိန်သည် နေအိမ်(စတူဒီယို)မှ

အထောက်အပံ့ပစည်းများအားလမ်းတလျှောက်(ခြေလျင်၊အများသုံးကားများကိုအသုံးပြုကာ)သယ်ဆောင်ခြင်း၊ပစည်းများအား ပြခန်းအတွင်းစတင်နေရာချခြင်း၊တပ်ဆင်ခြင်း

၊နေရာပြောင်းလဲခြင်း၊နေရာလွတ်ချန်ခြင်း၊ပြန်လည်နေရာချခြင်းကဗျာရွတ်ဆိုခြင်းစသည့်တင်ဆက်မှုများကို တင်ဆက်ပြသခဲ့သည်။အစီအစဉ် ၃အရ ၁၈ရက်နေ့တွင်ခင်းကျင်းတင်ဆက်ထားသောပစည်းများအား ဆက်လက်ပြသထားပြီး ညနေ ၃ နာရီခန့်တွင် ပန်းချီဆရာမင်းသူရိန်၏စစ်ဆန့်ကျင်ရေးငြိမ်းချမ်းရေးအဓိပါယ်များကိုဖော်ကျူးထားသော performance ဖြင့်ပြသခဲ့သည်။ထို့နောက် ပြခန်းတွင်းပြသထားသော ပစည်းများအား ပြန်လည်နေရာရွှေ့ပြောင်းခြင်း၊ပြန်လည်ဖြုတ်ယူခြင်း၊ပြခန်းမှနေအိမ်စတူဒီယိုသို့ပြန်လည်သယ်ယူခြင်း၊ပြခန်းတွင် နေရာလွတ်၊လေဟာနယ်တစ်ခုအဖြစ်ကျန်/ချန် ခဲ့ခြင်း၊နေအိမ်(စတူဒီယို)တွင် ပစည်းများအားနေရာချခြင်းတပ်ဆင်ခြင်း၊သိမ်းဆည်းခြင်းနှင့် ငြိမ်သက်တည်ရှိနေစေခြင်း၊နေရာကျစေခြင်းတို့ ဆက်လက်ဖြစ်ပေါ်နေစေခြင်းစသည့်တင်ဆက်မှုအားဆက်လက်လုပ်ဆောင်ကာ လေဟာနယ်၊နေရာလွတ် အနုပညာတင်ဆက်မှုအားအဆုံးသတ်လိုက်ပါသည်။မင်းသူရိန်၏အနုပညာတင်ဆက်မှုတွင်ဓါတ်ဗူး၊ပါကင်စကူဗူးများ၊ပလတ်စတစ်ဇလုံကြီးများ၊ကျောပိုးအိတ်အဟောင်းများ၊ပိတ်စများ၊

စုတ်ပြဲနေသောအ၀တ်အထည်များကို အနုပညာပစည်းများအဖြစ်အသုံးပြုပြသထားပြီး မင်းသူရိန်ရေးဆွဲသည့်ပန်းချီကားအချို့နှင့် ပြပွဲကျင်းပနေစဉ်အတွင်းရေးသားထားသည့်လက်ရေးစာများကိုလည်းပါဝင်ပြသထားပါသည်။ပန်းချီမင်းသူရိန်သည် ရခိုင်အမျိုးသားဗုဒဘာသာဝင်အနုပညာရှင်တစ်ဦးဖြစ်ပြီးရခိုင်ပြည်နယ် တောင်ကုတ်မြို့တွင်မွေးဖွားခဲ့သည်။၁၉၉၇တွင်ဖခင်ဦးစံအေးထံမှ အခြေခံပန်းချီပညာကိုသင်ယူခဲ့ပြီး ဆရာဘလေးညိုထံတွင် ၂၀၀၆ အထိပန်းချီပညာကိုသင်ယူခဲ့သည်။ ၂၀၀၂တွင်ပထမအကြိမ်အဖြစ်ဆုံးပန်းချီပြပွဲတွင်ပါဝင်ပြသခဲ့ပြီးယခုအချိန်အထိ ပန်းချီပြပွဲများတွင်အကြိမ် ၅၀ခန့်အများနှင့်ပါဝင်ပြသခဲ့ပြီးဖြစ်သည်။တစ်ကိုယ်တော်ပြပွဲကို ၂၀၁၀နိုဝင်ဘာတွင် Morekha Art Gallary တွင် Bohemian Life အမည်ဖြင့်ပြုလုပ်ခဲ့သည်။ဒုတိယအကြိမ်တစ်ကိုယ်တော်ပန်းချီပြပွဲကို Childrenhood အမည်ပေးထားပြီး ၂၀၁၁တွင်စာပေလောက(၅)စာအုပ်ဆိုင်တွင် ပြသခဲ့သည်။သူ၏အနုပညာတင်ဆက်မှုများနှင့်ဆက်စပ်ပြီး မင်းသူရိန်က ``ကျွန်တော့် Art Work တွေဟာလူမှုဘ၀/လူမှုနေထိုင်မှုဘ၀နဲ့ ဆက်စက်ဖြစ်ပေါ်လာတဲ့ စိတ်ခံစားမှုစိတ်ကူးစိတ်သန်းတွေအပေါ်အခြေခံပါတယ်။ကဗျာရေးဖြစ်တာနဲ့ပန်းချီရေးဖြစ်တာ၊နောက်ထပ် ထပ်လုပ်ဖြစ်တဲ့အလုပ်တွေကလည်း ဒီနှစ်ခုကနေ ဆင့်ပွားဖြစ်ပေါ်လာတဲ့ဖန်တီးမှုတွေပါပဲ၊အနုပညာဟာ စိတ်ခံစားမှုနဲ့လွတ်ကင်းပြီးဖြစ်တည်လို့မရဘူးလို့ ယုံကြည်ပါတယ်´´ဟုပြောပြပါသည်။မင်းသူရိန်၏လေဟာနယ်၊နေရာလွတ်အနုပညာတင်ဆက်မှုသည် ဘာမှမရှိခြင်း၊နေရာယူခြင်း၊နေရာချခြင်း၊ပြုပြင်တပ်ဆင်ခြင်း၊ပြန်တည်တည်ဆောက်ရယူခြင်း၊ဆက်လက်ရှိနေစေခြင်း၊ပြန်လည်ပယ်ဖျက်ခြင်း၊ထပ်မံရွှေ့ပြောင်းခြင်း၊ဘာမှမရှိခြင်းအဖြစ် ဆက်လက်ကျန်ရစ်နေစေခြင်း၊အသစ်တဖန်ပြန်လည်နေရာယူခြင့်း့့ စသော လူသားဘ၀၏အဆုံးမဲ့မရပ်မနားရွေ့လျားဖြစ်တည်နေခြင်းအား အနုပညာဖြစ်ထင်ဟပ်လိုက်ခြင်းပင်ဖြစ်သည်။