User Rating: 0 / 5

Star InactiveStar InactiveStar InactiveStar InactiveStar Inactive
 

ကောင်းကင် မဂ္ဂဇင်းမှ ရည်မွန်၏ ကမ္ဘာကြီးပေါ်မှာ ငါတို့ဟာ ကဗျာရှည်အား အပိုင်း(၅) ပိုင်းခွဲ၍ တင်ဆက်ခဲ့ပါသည်။ ဤကဗျာကိုရေးခဲ့စဉ်ကာလ၊ ကဗျာဆရာရည်မွန်အား ထောင်တွင်းထုတ် မဂ္ဂဇင်း တစ်ခုမှ ခေတ်ပေါ်ကဗျာနှင့်ပတ်သက်သော မေးခွန်းတချိူ့ကိုမေးမြန်းဖေါ်ပြခဲ့ပါသည်။ ထိုအင်တာဗျူးအား ကောင်းကင် မဂ္ဂဇင်း ပရိတ်သတ်အတွက် တောင်ပံခတ်သံ ထောင်တွင်းမဂ္ဂဇင်းမှ ကူးယူဖေါ်ပြလိုက်ပါသည်။ ဤကဗျာဆိုင်ရာ အတွေးအမြင်များသည် ကဗျာဆရာအကျဉ်းထောင်ရှိခဲ့စဉ်အချိန်လွန်ခဲ့သော ၉ နှစ် ခန့်က သဘောထားများဖြစ်ပါကြောင်း။

 

(စာတည်းအဖွဲ့)  

 

interviewတောင်ပံ၊            ။ကဗျာဟာ ခင်ဗျားဘ၀ထဲကို ဘယ်လိုဝင်ရောက်လာ ပါသလဲ။

ရည်မွန်။              ။ကဗျာဟာကျွန်တော့် ဘ၀ထဲကိုဘယ်လိုရောက်လာတယ်ဆိုတာ ကောင်းကောင်းမမှတ်မိ ပါဘူး။ နောက်ကြောင်းပြန် ကြည့်သလောက် ရှစ်တန်းကျောင်းသားလောက်မှာ ကျွန်တော် ကဗျာရေးဘို့ စပြီး အားထုတ်နေမိပါပြီ။ အဲဒီအချိန်လောက်ကစပြီး ကျွန်တော်ကိုယ်ကျွန်တော် ကဗျာဆရာ တစ်ဦး အဖြစ် မှတ်ယူနေထိုင်မှုဟာစတင် ခဲ့ပါတယ်။ အဲဒီအချိန်က ကျွန်တော်နဘေးမှာ ကဗျာဆရာဆိုတာလည်း တစ်ဦးတစ်ယောက်မှ ရှိမနေခဲ့ပါဘူး။ ကဗျာကို စိတ်ဝင်စားသူတွေလည်း ရှိမနေခဲ့ပါဘူး။ အဲဒီိအချိန်က နံဘေးမှာရှိနေခဲ့တာကတော့ ကျောင်းသင်မြန်မာစာ ပြဌာန်းချက် ကဗျာစာအုပ်တွေပါပဲ။ အဲဒီခေတ် ၁၉၈၀ ဝန်းကျင် ကျောင်းသုံး ကဗျာစာအုပ်တွေကို ကျွန်တော် ခုထိမြတ်နိုးနေမိပါသေးတယ်။

 

တောင်ပံ။            ။ကဗျာဟာ ပွင့်လင်းမှုလား။လျို့ဝှက်မှုလား။

 

ရည်မွန်။              ။ကဗျာဟာ စိတ်ရဲ့အနုမြူပါ။

 

တောင်ပံ။            ။Modern, Post Modern ကဗျာတွေရဲ့ ဂုဏ်ရည်ကိုသစ်ကို ဘယ်လိုဖွင့်ဆိုနိုင်ပါသလဲ။

 

ရည်မွန်။              ။ဘီလ်ဂိတ်ရဲ့ Window စံနစ်ကိုဖွင့် ကြည့်ရင် ၂၀ ရာစုရဲ့ရုပ်ခန္ဓာကို တွေ့ရမယ်။ Modern Post Modern ကဗျာတွေ တွေကို ဖွင့်ကြည့်ရင် ၂၀ ရာစုရဲ့ နာမ်ခန္ဓာကို တွေ့ရမယ်။

 

တောင်ပံ။            ။စာပေ အနုပညာနဲ့ ဒသနဗေဒဆိုင်ရာတွေမှာ ဘာသာစကားဟာ အတားအဆီးသဖွယ် ဖြစ်နေတတ်ပါတယ်။ အစစ်တရားတွေကို ဖွင့်လှစ်ပြသဘို့ မလိုလောက်ဘူးလို့ဆိုကြတယ်။ ကဗျာဆရာရဲ့ အမြင်ကိုသိပါရစေ။

 

ရည်မွန်။`            ။ကုန်းမြေရဲ့သဘာဝကိုဖေါ်ပြဘို့ ငါးသတ္တ၀ါတွေမှာ စကားလုံး မရှိသလိုပဲ အစစ်တရားတွေကို ဖေါ်ပြဘို့ လူသတ္တ၀ါတွေမှာ စကားလုံး မရှိဘူးလို့ဆိုပါတယ်။ ကျွန်တော်တို့ကိုယ်တိုင်က မစွမ်းမသန်ဆိုတော့ ကရိကထများပေမဲ့ တောင်ဝှေးကိုမစွန့်ပစ် နိုင်သလိုပဲ၊ ဘာသာစကားရဲ့အကူအညီမပါပဲ၊ လောကအကြောင်း ကျွန်တော်တို့ ဘယ်လိုလုပ် နားလည်နိုင်ပါ့မလဲ။ ကျွန်တော် တို့မှာဥာဏ်မျက်စိ ရှိပြီဆိုရင် တနည်းအားဖြင့်စကံ္ခု ဥဒပါဒိ ဖြစ်ပြီဆိုရင် တော့ ကျွန်တော်တို့ကိုယ်တိုင် (ဘယ်သူ့အကူအညီ မှ မပါဘဲ) အစစ်တရားကို မျက်မှောက်မှုနိုင်ပါလိမ့်မယ်။ ကျွန်တော်နားလည်သလောက် အစစ်တရားဆိုတာက ဖွင့်လှစ် ပြသဘို့မဟုတ်၊ မျက်မှောက်ပြုဖို့သာ ဖြစ်တယ်။ ဘာကြောင့်လဲဆိုတော့ အစစ်တရားဟာ စကားလုံးပညတ် တွေရဲ့အလွန်(Beyond the Words) မှာတည်ရှိပါတယ်။

 

တောင်ပံ။            ။ကဗျာဆရာရဲ့ လွတ်လပ်မှု။

 

ရည်မွန်။              ။လွတ်လပ်မှု မရှိရင် ကဗျာ မရှိနိုင်ဘူး။ လွတ်လပ်မှုမရှိရင် အနုပညာမရှိနိုင်ဘူး။ လွတ်လပ်မှု ၂မျိူးရှိမယ်။ အပြင်လွတ်လပ်မှု နဲ့အတွင်းလွတ်လပ်မှု။ အပြင်လွတ်လပ်မှုဆိုတာ ဒီနေရာမှာ လူ့အဖွဲ့အစည်းရဲ့ လွတ်လပ်မှုကို ကျွန်တော်ဆိုလိုပါတယ်။ လွတ်လပ်တဲ့လူ့အဖွဲ့အစည်းကသာလျှင် ကဗျာ အနုပညာသစ် စမ်းသပ်တီထွင်မှု ထုတ်လုပ်မှု နဲ့ဖြန့်ချိမှုကို ခွင့်ပြုနိုင်ပါလိမ့်မယ်။ အားပေးအားမြှောက် ပြုနိုင်ပါလိမ့်မယ်။ အသစ်လှုပ်ရှားမှုတိုင်းမှာ အဟောင်းအပေါ် တနည်းနည်းနဲ့ ဆန့်ကျင်မှု အဟောင်းနဲ့ လမ်းခွဲလိုမှု စတဲ့ လက္ခဏာတွေ ပါဝင်တတ်ပါတယ်။ လူ့အဖွဲစည်းမလွတ်လပ်ပဲ အသစ်လှုပ်ရှားမှု တွေအပေါ် သဘောထားကြီးကြီးထားနိုင်ဘို့ မလွယ်ကူပါဘူး။

 

                      လွတ်လပ်တဲ့အနက်အဓိပါယ်မှာ အစွန်းတရားများသို့ မကပ်ရောက်အောင် ထိန်းညှိပေးခြင်း သဘောဟာ နဂိုကပင်ပါဝင်ပြီး ဖြစ်ပါတယ်။ လွတ်လပ်ခွင့်ပေးလိုက်လို့ အဟောင်းတွေအပေါ် ချိူးချိူးဖဲ့ဖဲ့ ဖျက်လိုဖျက်ဆီး လုပ်လေမလားလို့ စိုးရိမ်စရာမလိုပါဘူး။ ကမ္ဘာပေါ်မှာ လွတ်လပ်မှုကို တန်ဘိုးအထားဆုံး တိုင်းပြည်တွေ (ဥပမာ အမေရိကန်၊ ဗြိတိန်၊ ဂျပန် စသည်)    ဟာတဖက်က      အသစ်ကိုစူးစမ်းရှာဖွေခြင်း (modernization) မှာရှေ့တန်းရောက်သလို တဖက်က အဟောင်းရိုးရာအစဉ်အလာကို  ထိန်းသ်ိမ်းစောင့်ရှောက်ခြင်း မှာလည်း ရှေ့တန်းရောက်ကြတယ် လို့ သုတေသနတစ်ခုမှာ ဖေါ်ပြထားပါတယ်။ သူတို့ဟာ ဒီနေ့ကမ္ဘာမှာ နိုင်ငံရေး၊ စီးပွါးရေး၊ စစ်ရေးအင်အား အကြီးဆုံး တိုင်းပြည်တွေလည်း ဖြစ်ကြပါတယ်။

 

စစ်ပြီးခေတ်မှာ ပေါ်ပေါက်ခဲ့ဘူးတဲ့ ဟစ်ပီဓလေ့ကို ပြန်ကြည့်သင့်ပါတယ်။ဒီဓလေ့ဟာဒီဓလေ့ဟာ လွတ်လပ်မှူမဟုတ် အစွန်းတရားတခုလို့ သိမြင်လာတဲ့အခါ၊ လွတ်လပ်တဲ့ လူ့အဖွဲ့အစည်း ကိုယ်တိုင်ကပဲ ဟစ်ပီဓလေ့ကို ကြုံလှီအားနည်းသွားစေခဲ့ပါတယ်။ အတွင်းလွတ်လပ်မှု ဆိုတာ ကဗျာဆရာ/အနုပညာ ရှင်ရဲ့ စိတ်လွတ်လပ်မှု ကိုဆိုလိုပါတယ်။ လွတ်လပ်တဲ့စိတ် အနှောင်အဖွဲ့ကင်းတဲ့ စိတ်ကသာလျှင် လွတ်လပ်တဲ့ ၊ဆန်းသစ်တဲ့၊ အဆင့်မြင့်မားတဲ့ အနုပညာကို ဖန်းတီးဖြစ်ပေါ်စေနိုင်ပါတယ်။ စိတ်ကို နှောင်ဖွဲ့တတ်တဲ့ သဘောတွေကလည်း လူရဲ့ပတ်ပတ်လည် အချိန်တိုင်းရှိနေတတ် ပါတယ်။ ဒီအနှေင်အဖွဲ့တွေကို သတိနဲ့ဖယ်ရှားတတ်ဘို့ လိုပါတယ်။ လွတ်လပ်တဲ့ စိတ်ဆိုတာ မိမိကိုယ်ကို မွေးမြူယူရတာမျိူးပါ။

                        ကဗျာဆရာဟာ ခေတ်ကာလရဲ့ အနှောင်အဖွဲ့ဖြစ်စေ၊ စားဝတ်နေရေး ရဲ့အနှောင် အဖွဲ့ဖြစ်စေ၊ လူမှုပြသနာတစ်ခုခုရဲ့ အနှောင်အဖွဲ့ဖြစ်စေ၊ အခြား အနုပညာ ပစ္စည်း တစ်ခုရဲ့ အနှောင်အဖွဲ့ဖြစ်စေ ဘယ်လို အနှောင်အဖွဲ့မျိူးမှာမှ မိမိစိတ်ကို မကျရောက်စေဘဲ၊ လွတ်လပ်တဲ့စိတ် ရှိသူတစ်ဦးဖြစ်အောင် အားထုတ်နိုင်မယ်ဆိုရင် (ခေတ်ကာာလအားဖြင့် မလွတ်မလပ် ဖြစ်နေဦးတော့ … သူကိုယ်တိုင် အကျဉ်းကျခံနေရဦးတော့) လွတ်လပ်တဲ့ အနုပညာတွေကို ဖန်တီး ထုတ်လုပ်နေနိုင်မှာပါ။

 

 

တောင်ပံ။            ။ကဗျာဆရာတွေက သူတို့ ကြီးပြင်းတဲ့ ခေတ်ကြီးကိုမကျေနပ်ကြဘူး။

 

ရည်မွန်။              ။ကဗျာဆရာတွေက ထိကရုန်းပင်လိုပဲ တုံ့ပြန်လွယ်ကြတယ်။

 

တောင်ပံ။            ။ဒီနံရံ တွေကခင်ဗျားရဲ့ကဗျာဥာဏ်ကို တားဆီးနှောင့်ယှက်ခဲ့သလား။

 

ရည်မွန်။              ။ကျွန်တော် ကဗျာဥာဏ်တွေရဲ့ အတိုက်အခိုက်မှာ နံရံတွေဟာ အမှုန့်မှုန့် အညက်ညက် ဖြစ်နေပါပြီ။

 

တောင်ပံ။            ။ခင်ဗျားရဲ့ လတ်တလောကဗျာတွေ ၀ိမုတ္တိလှိုင်းတွေ ထန်နေသလိုပဲ။

 

ရည်မွန်။              ။ကျွန်တော် စိတ်ကလေးကို ပြန်ပြီးစောင့် ကြည့်နေခြင်းရဲ့ရလဒ်ပါ။ လူတွေဟာ နတ္ခတ်တာရာတွေကို စောင့်ကြည့်ဖို့ အားတက်သရော ရှိကြတယ်။ သစ်ပင်နဲ့ပန်းမာန်တွေကို စောင့်ကြည့်ဘို့ အားတက်သရော ရှိကြတယ်။ ဒါပေမဲ့ကိုယ့်စိတ်ကို ပြန်ပြီးစောင့် ကြည့်ဘို့ကိစ္စကိုတော့ မေ့လျော့နေတတ်ကြတယ်။

                     

“ အကြင် မပျက်စီးနိုင်သော စိတ်၏ လွတ်မြောက်မှုသည် ရှိ၏။ ဤ သာသနာတော်သည် ဤ မပျက်စီးနိုင်သော စိတ်၏ လွတ်မြောက်မှု အတွက်သာဖြစ်၏။ ဤ မပျက်စီးနိုင်သော စိတ်၏ လွတ်မြောက်မှုသည် အနှစ်သာရပေတည်း။ ဤ မပျက်စီးနိုင်သောစိတ်၏ လွတ်မြောက်မှုသည် အဆုံးပေတည်း။”

 

တောင်ပံ။            ။ခင်ဗျားက သစ်ရွက်လိုကဗျာဆရာလား။ ကျောက်ဆောင်လို ကဗျာဆရာလား။

 

ရည်မွန်။              ။ကျွန်တော်က ရေလို လေလို ကဗျာဆရာပါ။

                                                                        

                                                                                  ဆက်လက်ဖေါ်ပြပါမည်။