User Rating: 0 / 5

Star InactiveStar InactiveStar InactiveStar InactiveStar Inactive
 
                                                   

ပါစကယ်ခူးသွယ်ရဲ့ From the land of Green ghosts ကို ဘာသာပြန်ထားတဲ့ ဆရာသင့်လူရဲ့ 'အိုဘယ့်အစိမ်းတို့မြေ' ကို ဖတ်ရင်း ငယ်ငယ်တုန်းကအကြောင်းတွေ သတိရတယ် ။ သူက မန္တလေးကို ဖွဲ့နွဲ့ထားတာကိုး ။ ၈၈တုန်းကဆို ကျနော် ၄နှစ်သားပေါ့ ။ ကျနော်တို့အိမ်က ၂၉လမ်း ၊ ၈၂ ၈၃ကြားမှာ ။ အရေးအခင်းတွေ ဖြစ်တော့ ၈၄လမ်းကို သွားသွားပြီး ရေခဲထုပ် ၊ ကောက်ညှင်းပေါင်း ၊ ဖျော်ရည်တွေ ဝေတာကို အငမ်းမရ သွားရောက် စားသောက်ခဲ့တာလည်း ပြန်သတိရတယ် ။ တရက်က အိမ်မှာ အဖေလည်းရှိတယ် ၊ ညနေ၃နာရီလောက်ပေါ့ ၊ မိုးတဖွဲဖွဲမှာ အမေ့ရဲ့ ချစ်သူငယ်ချင်းကြီး Drအောင်ကျော်ဦးနဲ့ သူ့ညီ အောင်ကျော်ထူးတို့ ပါတဲ့အဖွဲ့ အိမ်ရှေ့ကနေ ခွပ်ဒေါင်းအလံတလူလူနဲ့ ဖြတ်သွားတော့ အမေရော အဖေရော အူယားဖားယား နှုတ်ဆက်ကြတာလည်း အမှတ်ရတယ် ။ နောက်လည်း ၊ အမေနဲ့ သူ့သူငယ်ချင်းကြီးနဲ့ ဘယ်တော့မှ မဆုံလောက်တော့ပါဘူး ။ အနာဂတ်မှာ အဲ့သည် ဦးအောင်ကျော်ထူးရဲ့သားနှစ်ယော
က်နဲ့ ညီအကိုတွေလို ခင်မင်လာလိမ့်မယ်လို့တော့ ဘယ်သူမှ ဗြာဒိတ်မပေးခဲ့ဘူးပေါ့ ။ ဒါပေမယ့် အဲဒီမြင်ကွင်းဟာ သူငယ်ချင်းတွေရဲ့ မေတ္တာနဲ့ သံယောဇဉ်ကို အစောဆုံး ပုံဖော်ပေးနိုင်ခဲ့တယ် ထင်ပါရဲ့ ။ ဂျင်ကလိဆိုတဲ့ စကားလုံးတွေ ပလူပျံနေတုန်းမှာပဲ မာရှယ်လောဆိုတာရယ် စစ်အုပ်ချုပ်ရေးရယ်က တဖျောဖျောကျည်ဆံလက်ဆောင်တွေနဲ့ ၂၉လမ်းတလျှောက်က အိမ်တွေရဲ့တံခါးတွေကို မိတ်ဆက်စကားဆိုခဲ့တာလည်း ဝိုးတဝါးမှတ်ဥာဏ်မှာ ပုံပေါ်လာတယ် ။ ရွှေဝါဝင်းစားသောက်ဆိုင်က ဦးအုန်းက Tape recorderနဲ့ အသံဖမ်းထားသေးသဗျာ ။ ၂၉ ၈၃ထောင့် လ္ဘက်ခြောက်တိုက်က ကျည်သင့်သံတံခါးတွေကို သွားကြည့်ကြတာလည်း တရပ်ကွက်လုံးပေါ့ ။ ညမထွက်ရအမိန့်ရယ် ၊ ညစဉ်ကင်းလှည့်တဲ့ စစ်သားနှစ်ယောက်ရဲ့ ဘွတ်ဖိနပ်သံတွေကြားမှာပဲ အမေဟာ ညီမလေးကိုမွေးဖို့ ဗိုက်နာလာသတဲ့ ။ လမ်းမှာ ကျည်မသင့်ပါစေကြောင်း တတွတ်တွတ် ရွတ်ဖတ်နေတဲ့ အဒေါ်တွေရဲ့အသံကလည်း အမှတ်ရစရာ ။ ဘုရားလား ဘယ်သူလား မ,လို့ နံနက်ခင်းမှာ အမေဟာ အနှီးလေးပိုက်ပြီး ဆိုက္ကားနဲ့ အိမ်ပြန်ရောက်လာတော့မှ အားလုံး သက်ပြင်းချနိုင်တာ ။ ညိုတိုတို လုံးတုံးတုံး ကစားစရာတခုရလာလို့ ကျနော်တို့ ညီအကိုနှစ်ယောက် လက်ဝါးချင်းရိုက်ပြီး ပြုံးခဲ့ကြတယ် ။ အဲဒီကာလမှာ ကျနော်တို့ညီအကို နှစ်ယောက်အတွက် စွဲလမ်းစရာတွေက မြန်မာ့ရုပ်မြင်သံကြားက လွှင့်တဲ့ စစ်ချီတေး စစ်သည်တေးတွေပါပဲ ။ အဖေ အသစ်ဝယ်ထားတဲ့ တပတ်ရစ် Nissan Sunny လေးနဲ့ မိသားစု ကျုံးတပတ် ပတ်ကြတော့ နောက်ခန်းက ကျနော်တို့ ညီအကိုနှစ်ယောက် 'ဖလ်နေဝန်းသို့အညီ ထွန်းလင်းပြောင်ပေသည်' ဆိုပြီး ရှေ့ခေါင်မိုးကို တအုံးအုံးရိုက်ရင်း စစ်သွေးစစ်မာန်တွေ ကြွပစ်လိုက်ကြတာ အဖေ့မှာ ကားကိုရပ်ပြီး နားရင်းပါးရင်းရိုက်ယူရတဲ့အထိပဲ ။ ပါးစပ်နဲ့ပြောလို့မှ နားမထောင်ပဲကိုး ။ သူ သောက်ညင်အကပ်ဆုံး သီချင်းတွေကို သူ့သားသမီးတွေ မြိန်ရည်ယှက်ရည်ဆိုနေတာက သူ့ဒေါသရဲ့ ဇစ်မြစ်ဖြစ်မယ် ထင်တယ် ။ ဘာရယ်မဟုတ်ပါဘူး ။ ငယ်တုန်းက ဘဝတွေ လွမ်းလို့ ........
 
                                                                                                                                                               မန်းနီတိုး