Star InactiveStar InactiveStar InactiveStar InactiveStar Inactive
 

other world

 

ဒီလိုပြောလိုက်လို့ ခင်ဗျားအံ့သြသွားလိမ့်မယ်ဆိုတာ ကျွန်တော်သိနေခဲ့တယ်။ ကျွန်တော်ဟာ သေဆုံးပြီးသား လူတစ်ယောက် ဖြစ်တယ်ဆိုတာ ခင်ဗျားကို ကျွန်တော်ဘယ်လိုရှင်းပြရမလဲ။ ကျွန်တော်သေဆုံးသွားတာကို ကျွန်တော့် မိန်းမကတောင် သိလိုက်တာ မဟုတ်ဘူး။ နောက် ကျွန်တော့်သားနဲ့သမီး။ သူတို့တွေကလည်း ကျွန်တော် သေဆုံးသွားပြီ ဆိုတာကို သတိတောင်ထားမိကြပုံ မပေါ်ဘူး။ ဘယ်လောက်များ စိတ်ပျက်စရာကောင်းသလဲဆိုတာပါ။ ခင်ဗျား ကျွန်တော့်ကို မရယ်နဲ့။ အိုဗျာ…ခင်ဗျားရဲ့ မျက်လုံးအကြည့် တွေပြင်လိုက်ပါဦး။ ခင်ဗျားနဲ့ ကျွန်တော်က အတွင်းသိအဆင်းသိတွေပဲဗျာ။ ကျွန်တော်ဘာဖြစ်နေလဲ ဆိုတာ ခင်ဗျားသိအောင်လို့ ကျွန်တော်က ပြောပြနေတာရတာကိုက မဟုတ်သေးဘူး ။ ခင်ဗျားက ကျွန်တော်ကို ရူးသွားပြီလို့ထင်နေတာလား။ မထင်နဲ့၊ မထင်နဲ့ ဒီလိုမထင်နဲ့။

ကျွန်တော် မရူးသေးဘူး။ ကျွန်တော်ဟာ အရူးတစ်ယောက် မဟုတ်ဘူး။ ဒီလိုထင်ရင် ခင်ဗျားမှားသွားလိမ့်မယ်။ ကျွန်တော်သာ သေပြီးသားလူတစ်ယောက်ဆိုရင် ဟုတ်လား။ အခုလို စကားတွေပြောနိုင်မှာ မဟုတ်ဘူး ဟုတ်လား။ ဒါတော့ ခင်ဗျား မှားနေပြီဗျာ။ ကျွန်တော် ဒါပဲ ပြောချင်တယ်။ ခင်ဗျားရဲ့ အယူအဆတွေမှားနေပြီလို့ ကျွန်တော်ပြောချင်တယ်။ လောကမှာ သေသွားပြီးမှ စကား ပြောနေတဲ့သူတွေ အများကြီးပဲဗျ။ အဲတာကိုရော ခင်ဗျားသိရဲ့လား။ ကျွန်တော် ပြောပြချင်ပေမယ့် ခင်ဗျားသိမှာမဟုတ်တော့ ခက်တယ်။ ထားပါလေ။ ခင်ဗျားသိပြီးသားတွေလည်း ဖြစ်ချင်ဖြစ်မှာပါ။ ဒါပေမယ့် ကျွန်တော်ပြောထားတယ်နော်။ ကျွန်တော်မရူးသေးဘူးဆိုတာ။ အခုတလော အရူးတွေများများ လာတာကိုတော့ ကျွန်တော်လည်း သတိထားမိပါတယ်။ ကျွန်တော်တော့မပါသေးဘူး။ ဒါနဲ့ ခုနက ပြောနေတာ ဘယ်ရောက်သွားလဲ။ သေသွားတာ။ ဟုတ်တယ်။ ကျွန်တော်ဟာ သေသွားခဲ့တာ။ ကျွန်တော် သေဆုံးသွားခဲ့တာ။ ဒါတွေကို လူတွေမသိကြတာကို ကျွန်တော်ဖြင့်အထူးအဆန်းကိုဖြစ်နေခဲ့တာပဲ။ ခင်ဗျားပဲစဉ်းစားကြည့်လေ။ လူတစ်ယောက်သေဆုံး သွားပြီဆိုတာကို သူ့ရဲ့ ဘေးနားမှာရှိနေတဲ့လူတွေက မသိကြဘူးတဲ့။ ခင်ဗျားတောင် ကျွန်တော်ပြောပြလို့ သိရတာမဟုတ်လား။ ခင်ဗျားသိသင့်တယ်လို့ ကျွန်တော်က ထင်တယ်လေ။ ကျွန်တော်ဘက်က ထင်မိတာပါ။ နေဦး။ ကျွန်တော်တစ်ခုလောက်မေးချင်တယ်။ လူတစ်ယောက် သေဆုံး သွားပြီဆိုတာနဲ့အသက်ရှင်ကျန်နေတဲ့ သူတွေက သေဆုံးသွားတဲ့ လူတစ်ယောက် အတွက်လုပ်ပေးသင့်တာတွေ လုပ်ပေးကြရမှာ မဟုတ်လား။ အခုတော့ ဒီလိုမဟုတ်ဘူး။ကျွန်တော့်ကို ဒီအတိုင်းပစ်ထားထားကြတယ်။ သူတို့က ကျွန်တော့်ကို သေဆုံးသွားပြီလို့ ထင်မှ မထင်ကြတာကိုး။ ဘယ်သူလွဲချော်နေလဲ။ ကျွန်တော်လည်း မတွေးတတ်တော့ပါဘူး။ အဲဒီမှာ ကျွန်တော်ပေါ့လေ။ သေဆုံးပြီးသား ကျွန်တော်ဟာ ဒုက္ခရောက်ရတော့တာပဲ။ သေပြီးတဲ့ သူကို ဒီအတိုင်းပစ်ထားကြတော့ ဘာတွေဆက်ဖြစ်မယ်ထင်သလဲ။ ဒါနဲ့ပဲ ကျွန်တော်ဟာ သေဆုံးပြီးသား လူတစ်ယောက်ဖြစ်ပေမယ့် သေဆုံးသွားတဲ့ လူတစ်ယောက်လိုမနေခဲ့ရဘူး။ ခင်ဗျားကို ကျွန်တော် ရင်ဖွင့်ချင်တဲ့ကိစ္စက အဲတာပါပဲ။ ကျွန်တော့်ကို ဆေးလိပ်ကလေး တစ်လိပ်လောက် ကမ်းပါဦး။ ဒီအခြေအနေထိ ခင်ဗျားဘက်က ကျွန်တော့်ကို ဘာများမေးစရာရှိသေးလဲ။ ခင်ဗျားမေးစရာမရှိတော့ဘူးဆိုရင် ကျွန်တော်ဆက်ပြောပြမယ်။ ဘယ်လို။ ဘယ်လို။ တစ်ခုခု မှားယွင်းနေပြီ ဟုတ်လား။ မဟုတ်သေးဘူး။ ကျွန်တော်ပြောနေတာတွေက တကယ်ဖြစ်နေတာတွေကို ပြောတာနော်။ အခုထက်ထိ ကျွန်တော့်ကို မယုံကြည်သေးဘူးဆိုတဲ့ သဘောလား။ အေးဗျာ။ ခင်ဗျားဘက်က စိတ်အခြေအနေကို ကျွန်တော်နားလည်ပါတယ်။ ဒါပေမယ့် ကျွန်တော်ဟာ သေဆုံးခဲ့ပြီးသား လူတစ်ယောက်ဖြစ်တယ်ဆိုတာကို ခင်ဗျားဘက်က ယုံပေးဗျာ။ ဟုတ်ပြီ။ ကျွန်တော်ဆက် ပြောပြမယ်။ သေဆုံးပြီးသား ကျွန်တော်ဟာ သေဆုံးပြီးသားလူတစ်ယောက်လို မနေထိုင်ရဘဲ ရှင်သန်နေရသလိုကြီးဖြစ်နေရတာဟာ  ကျွန်တော့်အတွက်တော့ အဓိပ္ပါယ်မရှိတာတွေကို လုပ်ကိုင်နေရသလိုပဲ။ သေပြီးပေမယ့် ရှင်သူနဲ့မခြား ပင်ပန်းဆင်းရဲရတာပါပဲ။ အိမ်သားတွေလာကျွေးတဲ့ ထမင်းကိုလည်း ကျွန်တော့်မှာ စိတ်လက်မပါ စားရသောက်ရ။ သူတို့လာပြောတာတွေ နားထောင်ပေးရ။ ဧည့်သည်လာရင် ထွက်ရယ်ပြရ။ မိန်းမကလည်းဗျာ။ ကျွန်တော်ဘာဖြစ်နေလဲဆိုတာထက် သူစိတ်ဝင်စားချင်ရာကိုသာ စိတ်ဝင်စားနေတာ။ သား၊ သမီးနှစ်ယောက်ကလည်း သူတို့ကိစ္စနဲ့သူတို့။ ကျွန်တော့်အခန်းရှေ့ရောက်တာတောင် လှမ်းကြည့်ဖော်မရဘူး။ ကျွန်တော်လည်း ဘာလုပ်လို့လုပ်ရမယ်မှန်း မသိတော့ဘူး။ တစ်နေ့ကတော့ ကျွန်တော်ဖွင့်ပြောလိုက်တယ်။ ငါက သေဆုံးသွားပြီ။ မင်းတို့တွေ မသိကြဘူးလားကွာဆိုတော့ မိန်းမက ရှင်ဘာထဖြစ်ရပြန်ပြီလဲတဲ့။ သမီးကတော့ နေမကောင်းဘူးလား မေးတယ်။ ဟိုကောင် ကတော့ အဖေရာတဲ့။ နည်းနည်းပါးပါးလောက်ပဲ ချစမ်းပါဗျာတဲ့။ ကျွန်တော်လည်း ဘာဆက်ပြောရမယ်မသိတော့ဘူး။ လည်ချောင်းက တစ်ဆို့ဆို့ကြီးနဲ့ အာခေါင်တွေကလည်း ခြောက်အက်လို့။ ခင်ဗျားကို ကျွန်တော်တစ်ခုပြောရဦးမယ်။ လူတွေက သေပြီးရင် ဘာညာဆိုတာ လျှောက်တွေးတတ်ကြတာ။ သေပြီးနောက် အခြားတစ်ဖက်မှာ ဘာဖြစ်မလဲဆိုတာကို ထိတ်လန့်ကြတာလေ။ အမှန်တကယ်တန်း တော့ဘာမှ သိပ်ထူးခြားလှတာမဟုတ်ဘူး။ မသေခင်ကလည်း ဒီအတိုင်း။ သေပြီးသွားတော့လည်း ဒီအတိုင်း။ ဘာမှကြောက်စရာ လန့်စရာ လည်းမရှိဘူး။ ထူးထူးခြားခြား ပြောင်းလဲသွားတာမျိုးလဲ မရှိပါဘူး။ ဒီအချက်ကို ကျွန်တော်သေပြီးမှ သိလိုက်ရတာပဲ။ အခု ကျွန်တော် ဘာဖြစ်နေသလဲ။ ဘာမှမဖြစ်ဘူး။ ဒီအချိန်မှာတော့ သေဖို့သိပ်ကြောက်နေတဲ့သူတွေကို ကျွန်တော်အရမ်းရယ်ချင်တာပဲ။ ဒါပေမယ့်ဗျာ။ အင်း… ကျွန်တော်လည်း သေသွားပြီးခါမှ ဒါပေမယ့်တွေ အရမ်းပြောတတ်နေတယ်။ ခုနက ပြောတာ ဒါပေမယ့်။ ဟုတ်တယ်။ ဒါပေမယ့် သေပြီးတဲ့လူဟာ သေပြီးတဲ့လူလိုပဲနေရမယ်။ ရှင်နေတဲ့လူက ရှင်နေတဲ့အတိုင်း နေထိုင်ကြရတာမျိုးပေါ့။ အခု ကျွန်တော် ဖြစ်နေတာက သေပြီး ဖြစ်ပေမယ့် ရှင်နေတဲ့လူလိုနေနေရတာ။ အဲတာမျိုးကတော့ ဆိုးလွန်းပါတယ်ဗျာ။ ခင်ဗျားရော ဘယ်လို ထင်လဲ။ ခင်ဗျားက ရှင်နေတဲ့လူတစ်ယောက်ဆိုတော့ ကျွန်တော်ပြောတာကို သဘောရောပေါက်ရဲ့လား။ သေပြီးတဲ့လူမှာလည်း သူလုပ် ရမယ့် အလုပ်ဆိုတာ ရှိနေတာပဲ။ ကျွန်တော်လည်း သေသူတစ်ယောက်အနေနဲ့ တာဝန်ကျေချင်တယ်။ ရှင်တုန်းက ရှင်တဲ့အလျောက်တာဝန် ကျေခဲ့သလိုမျိုးပေါ့။ သေပြီးနောက် ဘာအလုပ်တွေရှိတယ်ဆိုတာ သေသေချာချာ မသိရသေးပေမယ့် သေပြီးတဲ့လူတွေလုပ်ရမယ့်အလုပ် တွေကိုတော့ တာဝန်ကျေကျေ ကျွန်တော်လုပ်ချင်တယ်။ အခုက အဲလိုမဟုတ်ပဲ တာဝန်မဲ့သူကြီးလို ပေါ့ပေါ့လျော့လျော့ကြီးဖြစ်နေရ တယ်ဗျာ။ ဝေလေလေ အသေကောင် အဆင့်မျိုးတော့ ကျွန်တော်လည်း မနေချင်ဘူး။ ခင်ဗျားနားလည်ရဲ့လား။ ကျွန်တော်ပြောနေတာ တွေကို။ အခုတော့ဗျာ။ လူတွေလုပ်တာနဲ့ ကျွန်တော်လည်း ဟိုမရောက် ဒီမရောက်ကောင်ကြီးဖြစ်လို့။ ကျွန်တော် ဘာလုပ်ရမလဲ။ ကျွန်တော်ဘာလုပ်သင့်သလဲ။ ခင်ဗျားပြောကြည့်ဗျာ။ ဟော- ခင်ဗျား စိတ်ရှုပ်သွားပြီ။ ခင်ဗျားလည်း ကျွန်တော့်ကို စိတ်ပျက်နေပြီလား။  တကယ်ပါဗျာ။ ကျွန်တော်ဟာ သေဆုံးပြီးသားလူတစ်ယောက်ပါ။ ကျွန်တော် တာဝန်ကျေချင်ပါတယ်။ ဒါပါပဲလေ။ ကျွန်တော်ပြောချင် တာ ဒါပါပဲ။ ခင်ဗျားနားမလည်ဘူး ဆိုရင်လည်း ထားလိုက်ပါတော့။ နားလည်မှုဆိုတာက လုပ်ယူလို့ရတာ မဟုတ်ဘူးလေ။ ဒါကို ကျွန်တော်လည်း သိပါတယ်။ အဲ့ဒီတော့ ထားလိုက်ပါတော့ဗျာ။

တောကျောင်းဆရာ