Star InactiveStar InactiveStar InactiveStar InactiveStar Inactive
 

Article Index

chess

 

            ကျွန်တော်က ပွန်းနံပါတ် ရှစ်ပါ။ ခြေမြန်တပ်ဖွဲ့ကလေ။ ဟုတ်ကဲ့။ မဟူရာတိုင်းနိုင်ငံရဲ့ ခြေမြန်တပ်ဖွဲ့ကပါ။ အင်း.. ပြောရရင်တော့ဗျာ။ ခြေမြန်တပ်ဖွဲ့သာဆိုရတာပါ။ ကျွန်တော်တို့တပ်ဖွဲ့တွေကတော့ ထွက်စကပဲ မြန်ပါတယ်။ လွယ်လည်းလွယ်တယ်လေ။ အဲ.. နောက်ပိုင်းကျတော့ ပုံမှန်နှုန်းနဲ့ပဲ ထွက်နိုင်ပါတယ်။ ပိုလျင်ပြီး အထွက်မြန်လို့လည်း မရပါဘူး။ ပိုသွက်လို့လည်း မရပါဘူး။ ဒါ “စည်း” ပါ။ “အမိန့်”။ “အမိန့်” တော့မဟုတ်ဘူးခင်ဗျ၊ “စည်း” ပါ။

            အဲဒါ ခင်ဗျားကို ပြောမလို့ပဲဗျ။ အဲဒီ “စည်း” နဲ့ပတ်သက်လို့ပေါ့ဗျာ။ ဒီလိုပါ။ ခုကျွန်တော်ပြောမယ့်ဟာတွေက မှန်တော့မှန်တယ်၊ နာလိုခံခက်ဖြစ်ချင်ဖြစ်နေမယ်လေ။ ဒါပေမဲ့ ကျွန်တော့်စိတ်ထဲမှာ အချိန်နဲ့ အမျှ တွေးမိ၊ ခံစားမိ၊ ခံယူမိတဲ့ အချက်တွေမို့လို့ နည်းနည်းတော့ ဂရုစိုက်ပြီး နားထောင်စေချင်တယ်ဗျာ။ အကျင့်ပါနေလို့မို့ နားထောင်ချင်ယောင်ဆောင်ပြီး ခင်ဗျားဘာသာ ခင်ဗျား တွေးချင်ရာတွေးနေလည်း တွေးပေါ့ဗျာ၊ တစ်ခုတော့ရှိတယ်။ ကျွန်တော်ပြောပြီးရင်တော့ ခင်ဗျား ခေါင်းညိတ်၊ ခေါင်းခါ တစ်ခုခုလုပ်ရလိမ့်မယ်။