Star InactiveStar InactiveStar InactiveStar InactiveStar Inactive
 

Article Index

 

cell picture

 

 ၁။ မီးခံသေတ္တာ

ရွှေ့ပြောင်း မရနိုင်သော မီးခံသေတ္တာ တစ်လုံးရှိသည်။ ကျွန်တော်သည် ထိုမီးခံသေတ္တာထဲက အသက်ရှိသော အပေါင်ပစ္စည်း တစ်ခု ဖြစ်၏။ ဘဝကို ပေါင်နှံထားခဲ့ရသည်မှာ (၆) နှစ်ပင် မကတော့။ ကျွန်တော့ပြေစာ နံပါတ်က ****/စီ။ မီးခံ သေတ္တာကို သော့နှစ်ထပ် ခတ်လျက်။ နေ့၊ ည ဝန်ထမ်းများ အစောင့်ချထားသည်။ မီးခံ သေတ္တာထဲ၌ ဘာပျော်ရွှင်မှု အလင်းရောင်မှ မရှိခဲ့ပါ။ စာနာမှု လေဝင်လေထွက်လည်း ဘယ်လိုမှ မကောင်း။ မီးခံ သေတ္တာထဲတွင် လောင်နေသော မီးများရှိ၏။ ဗုဒ္ဓဟူးနေ့ဆိုလျှင် အပေါင်ခံ ပစ္စည်းအတွက် မိသားစုဝင်တွေ အတိုးလာရောက် ပေချေကြပေမည်။ နာကျင်မှုဖြင့် ထုတ်ပိုးထားရှိသော အပေါင်ပစ္စည်းများ။ အရွေးခံဖို့ စောင့်နေသည့် အပေါင်ပစ္စည်းများ။ အတိုးတောင်မှ မှန်မှန် လာမပေးနိုင်သူတွေရဲ့ အပေါင် ပစ္စည်းများ။ ထိုအပေါင် ပစ္စည်းတိုင်းမှာ အသွေးအသား ရှိသည်။ ကို**မိုး သည်လည်းကောင်း၊ **** ၊ **** သည်လည်းကောင်း ပျောက်ဆုံးသွားသော အပေါင်ပစ္စည်းများဖြစ်ခဲ့သည်ကို မည်သူမျှ မငြင်းနိုင်။