User Rating: 0 / 5

Star InactiveStar InactiveStar InactiveStar InactiveStar Inactive
 


  အခုတလော ရပ်ကွက်ထဲမှာ ကြက်နာကျနေတဲ့အကြောင်း သားလတ်ခေါဘူ ပြောလို့ ခေါဂေသိရတယ်။ဟုတ်မယ် မနေ့ က ခေါဂေရုံးတက်သွားရင်း လမ်းထိပ် ဒေါ်ညိုကြီးပြောတာ ခပ်သဲ့သဲ့ကြားရတယ်။ ကြက်တွေ တစ်ကောင်ပြီးတစ်ကောင်သေနေတယ်တဲ့။သားလတ်ခေါဘူက ငါးတန်းကျောင်းသား။ဒီကောင်က ကြက်ဆိုသိပ်ချစ်တာ။ကြက်မွေး ဖို့ အဆိုတင်သွင်းပြီး ယောက္ခမကြီး(သူတို့ အဘိုး)အိမ်က ကြက်မလေး ယူလာတာလည်း ဒီကောင်ပဲ။သူတို့ အမေစိမ်းယက တားသေးတယ်"အလုပ်ရှုပ်ပါတယ် မမွေးပါနဲ့ "ဆိုတော့ ဒီကောင်က မရဘူး။"သားဂရုစိုက်မှာပါ အစာလည်းသားကျွေးမယ်နော်...အမေနော် "နဲ့ ခဏခဏပူညံပူညံ လုပ်နေတော့ စိမ်းယက မရတဲ့အဆုံး ခွင့်ပြုပေးရှာတယ်။ခေါဂေက အေးဆေးပဲ။စိမ်းယ မကြိုက်မှန်းသိတော့ သူတို့ သားအမိကြားမှာ ဝင်မပါဘူး။ခေါဘူကလည်းပါးတယ် သူ့ အဖေခေါဂေ ခွင့်ပြုလို့ ဘာမှဖြစ်မလာဘူး သူ့ အမေ စိမ်းယခွင့်ပြုမှ အဆင်ပြေမယ်မှန်းသိတော့ သူ့ အမေဆီ ကပ်တာပဲ။ဒီကောင် လုပ်လိုက်လို့ မအားတဲ့ကြားက ခေါဂေ ကြက်အိမ်ဆောက်ပေးရသေးတယ်။ဘာတဲ့ ဒီကောင်ပြောတာ"အထဲမှာ ကြက်ကလေးတွေ ချောင်ချောင်ချိချိနေလို့ ရအောင် ကျယ်ကျယ်လေးဆောက်ပေးနော် အဖေ ပြီးတော့ သပ်သပ်ရပ်ရပ်လေးနော်အဖေ...သားကြက်မလေးက ကြက်ကလေးတွေအများကြီး မွေးမှာဗျ"တဲ့။ဒါနဲ့ ခေါဂေ ကြိမ်းပစ်တယ် "အေး မင်းပါ ဝင်နေလို့ ရအောင် ငါဆောက်ပေးမယ်"ဆိုတော့မှ ဒီကောင်ငြိမ်သွားတာ။
   ဟုတ်တော့လည်းဟုတ်တယ် ဒီကောင်က သူ့ ကြက်မလေးကို ဂရုစိုက်သလားမမေးနဲ့ ။သူ့ ကြက်မလေးကို "တီတီ"တဲ့။ကျောင်းဆင်း အိမ်ပြန်လာတာနဲ့ သူ့ ကြက်မလေးကို မျက်စိထောက် ကြည့်နေတာပဲ။အစာကျွေးလိုက် ရေထည့်ပေးလိုက်နဲ့ ။ညနေစောင်းလို့ ကြက်အိမ်ပိတ်တာလည်း ဒီကောင် မနက်ရောက်လို့ ကြက်အိမ်ဖွင့်ပေးတာလည်း ဒီကောင်ပဲ။ သိပ်မကြာဘူး ဒီကောင့် ကြက်မလေး တီတီစဥပြီး ကြက်ကလေးဆယ်ကောင် ပေါက်တယ်။ဒီကောင်ပျော်လိုက်တာများ ပြောမနေနဲ့ ။ကြက်ကလေးတွေကို ခဏခဏ ကိုင်လိုက် ပွတ်လိုက် လုပ်နေလို့ ဆူရသေးတယ်။ညရောက်တော့ ဒီကောင်ထထပြီး ကြက်အိမ်ကို သွားကြည့်တတ်တယ်။ကြက်ကလေးတွေ မြွေကိုက်ခံရမှာ ကြွက်ကိုက်ခံရမှာ ကြောက်လို့ တဲ့။အဲ့လောက် အဖြစ်သည်းတဲ့ကောင်။မနေ့ ညက ဒီကောင့်ကို စိမ်းယ ရိုက်တယ်ဆိုပဲ။သူ့ ကြက်မနဲ့ ကြက်ကလေးတွေကို သူ့ သူငယ်ချင်းက ခဲနဲ့ ပေါက်လို့ မကျေနပ်ဘူးဆိုပြီး သူ့ သူငယ်ချင်းကို ဒီကောင် ထိုးတယ်ဆိုပဲ။ပေါက်မှာပေါ့ ...သူ့ ကြက်မကြီးက သူများခြံထဲ ဝင်မွှေနှောက်တာတော့ ဒီကောင်မတွက်ဘူး။သူ့ အပေါ် အကြီးနှစ်ယောက်ကလည်း အခုတလော ဒီကောင့်ကို သိပ်အမြင်မကြည်ကြဘူး။ကြက် ကိစ္စပဲ ဖြစ်မှာသေချာတယ်။
     မနက်စောစော ခေါဂေနိုးလာတော့ သမီးလတ်ခေါတီးက ထမင်းချက်နေတယ်။စိမ်းယက ဈေးသွားတယ်ဆိုလားပဲ။အကြီးကောင်နဲ့ အငယ်မက မနိုးကြသေးဘူး။ထုံးစံအတိုင်း ခေါဘူက ကြက်အိမ်ရှေ့မှာ။ကြက်ကလေးတွေကို အစာကျွေးပြီး ကြည်နူးနေလိုက်တာများ။ဟို ကြက်ပေါက်စလေးကိုင်လိုက် ဒီကြက်ပေါက်စလေး ကိုင်လိုက် နာမည်ပေးလိုက် တတွတ်တွတ်နဲ့ ။ခေါဂေက 
"ဟေ့ ကောင် ကြက်ကလေးတွေ အများကြီးပဲ မင်းဘယ်လိုမှတ်မိမှာလဲ"ပြောတော့  "အာ မှတ်မိတာပေါ့ အဖေ"ဆိုပြီး တစ်ကောင်ကိုင်လိုက် နာမည်ပြောလိုက် နောက်တစ်ကောင်ကိုင်ပြီး နာမည် ပြောလိုက်နဲ့ ဟုတ်နေတာပဲ။တတ်လည်း တတ်နိုင်တဲ့ အကောင်။ဒါနဲ့ ခေါဂေ အတွန့် မတက်တော့ဘူး။မိသားစု ထမင်းစားချိန်ရောက်တော့ ထမင်းစားပွဲဝိုင်းမှာ ခေါဘူနေရာက လွဲပြီး လူအားလုံးစုံနေတယ်။စိမ်းယက "ဟဲ့ ခေါဘူ ထမင်းစားမယ်"လို့ လှမ်းအော်မှ ဒီကောင်ဝင်လာတာ။အကြီးမ ခေါတီးက သိပ်ကြည့်လို့ ရပုံမပေါ်ဘူး"သွား...လက်ကို သေချာ ဆပ်ပြာနဲ့ ဆေးပြီးမှ လားစား"တဲ့။
  
     ထမင်းစားပြီး ခေါဂေဂျာနယ်ထိုင်ဖတ်နေတုန်း ခေါဘူ သူ့ ဆီလာပြီးပြောတယ်။
"အဖေ သားတို့ ရပ်ကွက်မှာ တကယ်ကြီး ကြက်နာကျနေတယ် ဟိုဘက် လောဟာတို့ အိမ်ဆို တစ်ကောင်ပြီးတစ်ကောင်သေတာပဲ"
"အဲ့ဒီတော့"
"အဲ့ဒါ သားကြက်ကလေးတွေ မသေရအောင် ကာကွယ်ဆေးထိုးချင်တယ်အဖေ" ခေါဂေက 
ဟေ..ငါက တိရစ္ဆာန် ဆရာဝန်မှ မဟုတ်တာ"လို့ ခေါဂေပြန်ဖြေတော့ ကိုယ်တော်ချောလေးက "ဒါပေမယ့် အဖေ့သူငယ်ချင်း ဦးမာန်ဟာဆီ သွားမေးပါလား သူ့ မှာ ကြက်ကာကွယ်ဆေးတွေ ရှိမှာပဲနော်"တဲ့။"အေးပါ ငါသွားကြည့်လိုက်မယ် မင်းကျောင်းသွားတော့"ဆိုမှ ဒီကောင် ထွက်သွားတာ။ဒီကောင် ပြောတာ ဟုတ်တယ် မာန်ဟာက ဒီမြို့မှာ ကြက်မွေးပြီး စီးပွားရှာနေတဲ့သူ။သူ့ မှာ ကာကွယ်ဆေးတွေ ရှိမှာပဲ။ပြီးတော့ ခေါဂေနဲ့ မာန်ဟာက ငယ်သူငယ်ချင်းတွေ။ရုံးဆင်း ပြန်ရင် သူ့ ဆီဝင်အုံးမှ။

    ညနေ ရုံးဆင်း ခေါဂေ အိမ်ပြန်တော့ သားလတ်ခေါဘူက သူ့ ကိုပြေးကြိုတယ်။ပါးစပ်က ဘာမှ မပြောသေးပေမယ့် ဒီကောင် ဘာမျှော်နေလဲဆိုတာ ခေါဂေသိနေတယ်။ 
"အေး မင်းဦးလေးမာန်ဟာဆီ ငါရောက်ခဲ့တယ် ကာကွယ်ဆေးတွေလည်းပါတယ်"ဆိုတော့ "ဒါမှ ဒို့ အဖေကြီးကွ"ဆိုပြီး ခေါဘူပျော်နေတာများ။အဝတ်အစားလဲပြီး မာန်ဟာဆီက ရလာတဲ့ ဆေးထိုးအပ်ရယ် ဆေးပုလင်းလေးတွေရယ် ထုတ်လိုက်တယ်။အိမ်နောက်ဖေးမှာ ခေါဘူက ကြက်ကလေးတွေကို အစာကျွေးနေတယ်။ခေါဂေ ဆေးထိုးမယ်လုပ်တော့ စိမ်းယရယ် အကြီးနှစ်ယောက်ရယ် အငယ်မလေးရယ် သူ့ ကိုဝိုင်းအုံလာကြတယ်။ စိမ်းယက ခေါဂေကို ကြည့်ပြီးပြုံးနေတယ်။ဒီအပြုံးကို ခေါဂေ သဘောပေါက်တာပေါ့။ လင်မယားဖြစ်လာတာ ကလေးငါးယောက်တောင်ရှိနေပြီကိုး။စိမ်းယ ကြည့်တဲ့ အဓိပ္ပါယ်က "ဟုတ်မှလည်း လုပ်ပါ ရှင်ရယ်"ဆိုတဲ့ အကြည့်မျိုး။ခေါဂေကလည်း "စိတ်ချပါ မိန်းမရာ"ဆိုတဲ့ အကြည့်မျိုးနဲ့  ပြန်ကြည့်လိုက်တယ်။ကလေးတွေကလည်း သူ့ ကိုအားကိုးနေကြတဲ့ ပုံစံမျိုး မျှော်လင့်နေကြတဲ့ ပုံစံမျိုး။ခေါဂေက ခပ်တည်တည်နဲ့ တိရစ္ဆာန်ဆရာဝန်လိုလို ဘာလိုလို။ဆေးထိုးအပ်ကလေးနဲ့ ဆေးပုလင်းကို ထိုးဖောက်ယူပြီး ခေါဂေ ကမ်းလာတဲ့ ကြက်ကလေးပေါင်ရင်းနားမှာ ထိုးထည့်လိုက်တယ်။ကြက်ကလေးခဗျာ နာလို့ ထင်ပါရဲ့ "ဂျလိ ဂျလိနဲ့ "။ကြက်မကြီးက "ကတော် ကတော်နဲ့ "။

  ခွဲစိတ်မှုအောင်မြင်စွာပြီးဆုံးသွားတဲ့ ဆရာဝန်ရဲ့မျက်နှာထားမျိုးနဲ့ ခေါဂေက အားလုံးကိုကြည့်ပြီး ကြက်ကလေးကို မြေပေါ်အသာချပေးတယ်။မကြာဘူး သူချလိုက်တဲ့ ကြက်ပေါက်စလေးက နှစ်လှမ်းသုံးလှမ်းလျှောက်ပြီးတာနဲ့ တန်းလန်းကြီး လဲကျသေတာပဲ။ခြေထောက်နှစ်ဖက်ကို ဆန့် ဆန့် ဆွဲပြီး ငြိမ်ကျသွားလို့ ။အဲ့ဒီမှာ စိမ်းယနဲ့ အကြီးကောင်က တခွီးခွီးစရယ် ကြတော့တယ်။အလတ်မ ခေါတီးက "အဖေရယ်"ဆိုပြီး သူ့ ကို တစ်လှည့် ခေါဘူကို တစ်လှည့်ကြည့်ပြီး ပြုံးလို့ ။အငယ်မလေးစိမ်းငှိမ်းက သွားမရှိတဲ့ သူ့ ပါးစပ်လေးကို လက်နဲ့ ကာပြီး တဟိဟိရယ်တယ်။ခေါဂေလည်း ဘာမှ မတတ်နိုင်တော့ သူတို့ သားအမိတွေ နဲ့ အတူလိုက်ရယ်တယ်။သူ့ အဖြစ်ကလည်း ရယ်စရာကြီးကိုး။မာန်ဟာဆီ ဆေးတောင်းတုန်းက ဆေးထိုးနည်း ဆေးထိုးပုံမမေးလိုက်မိဘူး။

  ခေါဘူက ကြက်သေလေးကိုင်ပြီး တအိအိနဲ့ စငိုတော့တာပဲ။ဘာတဲ့ ငိုရင်း ပြောသေးတယ်။"အဖေက မကောင်းဘူး သားကြက်ကလေးကို သတ်တယ်"တဲ့။အဲ့ဒီညနေပိုင်း ထမင်းစားကြတော့ ခေါဘူ ထမင်းလာမစားဘူး။အကြီးမက သွားခေါ်မယ်လုပ်တော့ ခေါဂေက တားလိုက်တယ်။အားလုံးက ပြုံးစိစိနဲ့ ထမင်းစားကြလို့ ။ထမင်းစားနေရင်း သားကြီးက "ခေါဘူ အဖြစ်ကလည်းနော် ကျားကြောက်လို့ ရှင်ကြီးကိုး ရှင်ကြီးက ကျားထက်ဆိုး ဖြစ်နေတော့တာပဲ"တဲ့။ဒါနဲ့ ခေါဂေက "ဟေ့ကောင် မင့်ထမင်းမင်းစားစမ်း"လို့ ငေါက်တော့ ဒီကောင်ငြိမ်သွားတယ်။

      ထမင်းစားပြီးတော့ ခေါဂေက ခေါဘူကိုသွားချော့တယ်။နည်းနည်းစိတ် ပြေလာတဲ့ ခေါဘူက ခေါဂေကိုကြည့်ပြီးပြောတယ်။"ဖေ ကြီး ဒေါက်တာပေါက်တူးကြီး"တဲ့။အဲ့လိုပြောတော့ ခေါဂေ ခဗျာ ပြုံးရမလိုလို ရယ်ရမလိုလို။မချိုမချဉ် မျက်နှာပေါက်ကြီးနဲ့ "အေးပါကွာ..."တဲ့။

        ဆလိုင်းမြတ်နိုးသူ
     (တောင်ဇလပ်မြေ)
သရုပ်ဖေါ်ပုံ ဧကစာချိူ