Star InactiveStar InactiveStar InactiveStar InactiveStar Inactive
 


ငါးပိရည်နဲ့တို့စရာမြှုပ်ပြီးစားရလည်း
အရသာရှိတဲ့ဘဝဆိုတာက
ဒုလ္လဘတစ်မျိုးပဲ

ဘဝတိုတိုတစ်ခုကိုဆေးလိပ်တိုတစ်ခုလို
ခဲကြရတာပေါ့

ပန်းခင်းထဲဖြတ်မလျှောက်နဲ့
မြက်ခင်းပေါ်ဖြတ်မနင်းနဲ့
ဖြတ်တောက်ထားတဲ့ဝါကျတွေနဲ့
အဓိပ္ပာယ်မဖော်ပြနဲ့
ဖြတ်လမ်းတိုင်းဟာဖြောင့်ဖြူးမှုရှိမတဲ့လား
အခါလွန်တဲ့မိုးမို့အညှိုးနဲ့ရွာ---
သီချင်းလေးညည်းရင်းစိတ်ကိုလျှော့ချ
အရေးတကြီးရေကြီးနေတယ်ဆိုရင်တောင်
ကိုယ်ဖော့ထားတတ်မှအဆင်ပြေမယ်
လမ်းလျှောက်ရင်ခြေသံဖွဖွလေး
စကားပြောရင်တိုးတိုးတိတ်တိတ်
အိပ်ရင်တောင်မလူးမလွန့်
ဒီလိုငြိမ်ဝပ်ပိပြားမှုကိုတည်ဆောက်ထားရ

သြော်--ဘဝ  ဘဝ
စာလုံးပေါင်းမှားလို့မရ
အသံထွက်လွဲလို့မရ
အသုံးအနှုန်းကြမ်းလို့မရ
ဘာနဲ့စားစား တစ်ဝမ်းတစ်ခါး
လူတစ်ယောက် မြေအကျယ်ဘယ်လောက်လိုအပ်မှာလဲ
မသေခင် ကျောတစ်ခင်းစာ
တွေ့တဲ့လူကိုပိုက်ဆံချေး
ရောက်တဲ့အရပ်မှာတစ်နေကုန်
ပြိုင်လာလျှင်လမ်းဘေးကပ်
ခေတ်ပေါ်ဖတ်စာတွေလည်း ရေးလို့မကုန်
ရေဘုံပိုင်တွေလည်းရေမထွက်တော့ဘူ
ဘုံဆိုင်တွေခွက်ပုန်းတွေလည်းမရှိတော့ဘူး
ဗုံ--ဗုံ--ဗုံ---
ဗုံထဲမှာ ဗုံသံရှာ

ဗုံ--ဗုံ--ဗုံ
ဗုံသံတွေမရပ်သမျှ

ဗုံ--ဗုံ--ဗုံ
၃၁ဘုံခရီးဟာပျော်စရာကြီးပေါ့အချစ်ရေ။

------------------------------------------

                         မောင် သော် တာ