Star InactiveStar InactiveStar InactiveStar InactiveStar Inactive
 

 

အဲဒီကိစ္စဟာ မရှင်းဘူး ရှင်းပြနေတာကိုက မရှင်းတာ

ဥပမာ နေရောင်ခြည်ထဲ ရောဂါပိုးတွေ တွေ့တယ်ဆိုတာမျိုး
ဖိနပ်ထဲ ပူးလေးတစ်ကောင်ဝင်ပြီးတော့ ၀ပ်နေတယ်ဆိုတာမျိုး
အများအားဖြင့် သောကြာနေ့တွေမှာ လပ်လျားလပ်လျား ပါပဲ
စုံမ ၀ှက်တမ်းကစားသလို ပြုံးဖြီးဖြီးကြီးနဲ့ လမ်းရဲ့ထောင့်ချိုးမှာ
ကွေးကောက်နေခဲ့တယ် ဒါမှမဟုတ်ရင် ကွေ့ကောက်နေတာလဲ
ဖြစ်နိုင်တာပါပဲ ဘာကမှ ရေရာတယ် တိကျတယ်လို့မှာ မရှိတာ
တစ်နေရာရာမှာ အမြီးအမောက်မတည့်မှုဟာ ဟိုဖက်စာမျက်နှာကျ
သံလွင်ဆီ အစိမ်းရောင် မီနီစကတ် နောက်တစ်နေရာမှာ ကပေါက်တိ
ကပေါက်ချာနိုင်မှုဟာ ဟိုဖက်ရပ်ကွက်ထဲကျ ‘အက်စ်ချလာ့စ်ရဲ့အလွမ်း
ပြဇာတ်များ’ မိုးတွေ ရုတ်တရက် ရွာမကျလာဘူးလို့ ဘယ်သူက အာမခံ
နိုင်မှာ မို့လို့လဲ ကျုပ်လည်းတွေးတာပဲ သွားကြားထိုးတံ ၁၇ ချောင်းတိတိ
ကုန်သွားတယ် မရေရာဘူး မရေရာဘူး ဘာမှ မရေရာဘူးလို့ အဓိပတိ
အထူးဘတ်စ်ကားပေါ်မှာ ရေရွတ်ရင်း ဒရောသောပါး အူတိအူကြောင်ဖြစ်မှု
ဟာ သိမှုရဲ့ဘယ်ဖက်အံဆွဲထဲကနေ အန်ကျလာတယ် ဆီးအိမ်တင်းလာပြီး
အနံ့ပြင်းတဲ့ ကော်ဖီတစ်ခွက်လို ဒါမှမဟုတ် ‘ရွှေဖရုံသီးညောကီ’ တစ်ပွဲလို
သူ့ပေါင်ပေါ်မှာထိုင်နေတဲ့ကောင်မလေးရဲ့ ဘရာစီယာချိတ်ကိုစမ်းနေခဲ့တယ်
နားတစ်စုံက ဆကုရ တာဝါ အပေါ်ထပ်က ကဖေး ဘရစ်စတိုမှာ ချိတ်လို့
တကယ်တမ်းပြောကြကြေးဆိုရင်တော့လည်း ကျွန်တော့်အနေနဲ့သောက
ကင်းဝေးသလို နေနိုင်တယ် အပူအပင်မရှိဘူး လျှာမှာအရိုးမရှိသလိုပဲပေ့ါ
နောက်ပြီးတော့ သွားလေရာဆောင်သွားဖို့ တွယ်ချိတ်တစ်ချောင်းရယ်
တရုတ်ပဲမုန့်သေးသေးလေးတွေရယ် ဟိုး အိမ်ထောင်ကျကာစကတည်း
က မပျောက်မပျက်သုံးစွဲလာတဲ့ နားဖာကလော်ရယ် ဒီကနေ့အိပ်ယာက
စောစောမထဖြစ်ဘူး အိပ်ယာဘေးမှာ စာအုပ်တွေ မဂ္ဂဇင်းတွေ ဓါတ်ပြား
တွေ ခဲတံနဲ့ ဆွယ်တာ ပြီးတော့ သစ္စာရှိတဲ့ ပြီးပြည့်စုံခြင်းမရှိမှု အားလုံး
ဟာ တစ်ခုနဲ့တစ်ခု သိပ်ပြီးတော့ မကွာခြားလှချေဘူး တကယ်လို့များ
ကြံစည်တဲ့အတိုင်းဖြစ်ရင်တော့ ဒီသောကြာနေ့မှာ အလုပ်မဆင်းဘူး။ ။

ခင်အောင်အေး
၂၅ ဇူလိုင် ၂၀၁၄  ကျောက်မြောင်း၊ ရန်ကုန် ၁၀း၂၇ နာရီ

(မြင့်သန်းရဲ့ ဟရူကီ မူရာကာမိ၏ပြတင်းတစ်ပေါက်နှင့်အခြားဝတ္ထုတိုများ
 စာအုပ်ဖတ်ခြင်းမှ လှုံ့ဆော်မှုရကာ ယင်းစာအုပ်မှ စာသားအချို့ယူသုံး
 ခြင်းအားဖြင့် ဒီကဗျာကို ပြုလုပ်ရေးသားပါတယ်)