User Rating: 0 / 5

Star InactiveStar InactiveStar InactiveStar InactiveStar Inactive
 


၀၀း ၄၂  ကမ္ဘာကို

            ဘုရားသခင်အစား ‘ငါ’ လာခဲ့တယ်

 

၀၀း ၄၁  ငါဟာ ငါ့ကိုဖန်ဆင်းတဲ့ ဘုရားသခင်ကိုသာလက်ခံနိုင်ပြီး

            ဘုရားသခင်ဖန်ဆင်းတဲ့ အရာတိုင်းကို လက်မခံနိုင်၍

            ကောင်းကင်ဘုံကို ကျောခိုင်းခဲ့တယ်

 

၀၀း ၄၀  ငါ့ကိုယ်ထဲမှာ ပုန်းကွယ်နေတဲ့အရိုးတွေက

            နှလုံးသားကိုရင်ဘတ်ထဲကဆွဲထုတ် မီးရှူးတိုင်လိုကိုင်

            လူအများရှေ့ရပ်နေခဲ့တယ်

 

၀၀း ၃၉  ငါဟာ ဥာဏ်ပညာနုံနဲ့သူများအတွက်

            သေဆုံးနေတဲ့ ဖေရိုဘုရင်ဖြစ်တယ်

 

၀၀း ၃၈  ဘယ်သူမှဝင်ရောက်လို့မရတဲ့ တစ်ဦးတည်းပိုင်ကပွဲခန်းမထဲမှာ

            ဘယ်ခါမှရပ်တန့်လို့မရတဲ့ ရမ္မက်ရဲ့ဥပဒေတစ်ခုလို

            ကဗျာကို ငါပြဌာန်းတယ်

 

၀၀း ၃၇  ကဗျာဆရာမရှိတဲ့လောကမှာ ဘုရားသခင်လည်းမရှိ

            ကဗျာဆရာဆိုတာ ကဗျာဆရာမဖြစ်ခင်

            လွှင့်ပစ်ထားတဲ့ ဖိနပ်စုတ်ကြီးတစ်ဖက်လောက်တောင်အသုံးမဝင်သူ

            ပင်လယ်ဓားပြဒင်္ဂါးလို တရားမဝင်အဖိုးတန်နေသူ

 

၀၀း ၃၆  ကဖေးဆိုင်များဟာ ကဗျာဆရာရဲ့ဘုရားကျောင်းဖြစ်တယ်

           

၀၀း ၃၅  ကဗျာဆရာတစ်ဦးဟာ ကဗျာဘုရားကျောင်းဆီကို

            တစ်နေ့တစ်ကြိမ် အနည်းဆုံးသွားရောက်ပြီး

            ကဗျာကျမ်းစာတစ်မျက်နှာကို ရွတ်ဆိုရမယ်

 

၀၀း ၃၄  ကဗျာကိုတိုက်ခိုက်လုယက်ဖို့

            ပင်လယ်ဓားပြသင်္ဘောတစ်စင်းလိုအသုံးပြုရမယ်

 

၀၀း ၃၃  ကဗျာဆရာဟာ ပေါင်မုန့်ကိုဖြစ်စေ အသားတစ်တုံးကိုဖြစ်စေ ဓားမြှောင်နဲ့မလှီးဖြတ်ရ

            ဓားမြှောင်ရှိရင် ငါ့ထံအမြန်ဆုံးအပ်နှံကြရပါမယ်

            (ဓားမြှောင်ဆိုတာ အိမ်မြှောင်ထက်သေးငယ်လေ ဝှက်ဖို့ကောင်းလေ အန္တရာယ်ရှိလေ)

            နောက်ကျောကို/ မျက်လုံးကို/ ဦးခေါင်းခွံကို ထိုးဖောက်ပစ်နိုင်တယ်

 

၀၀း ၃၂  ကဗျာမြို့မှာ ကဗျာကြည့်မျှော်စင်ကလွဲ

            အခြားမျှော်စင် (ဘာသာရေးမျှော်စင်/ မီးသတ်မျှော်စင်/ စစ်စခန်းမျှော်စင်) မဆောက်ရ

            အပြင်၌ထိုင်ကြည့်သော်လည်း အဆိုတော်နဲ့ကချေသည်များသာ

            ဝန်ထုပ်ဝန်ပိုးတွေကို သယ်ဆောင်ပြီးဖြတ်သွားကြ

 

၀၀း ၃၁  ကဗျာနိုင်ငံတော်မှာ ကဗျာဆရာနဲ့သူ့မိသားစုကလွဲလျှင်

            ကဗျာဆရာမဟုတ်သူများ လူဖြစ်ခွင့်မရှိ

            သူတို့အတွက် ညစာဟာ ‘ကားစင်’ ဖြစ်တယ်

 

၀၀း ၃၀  ကဗျာဝေဖန်ရေးသမားတစ်ယောက်ဟာ ကဗျာပုဒ်ရေ ၁၀၀ တိတိရေးထုတ်ပြီးမှ

            ကဗျာဆရာနဲ့ကဗျာကို စကားပြောခွင့်ရှိတယ်

 

၀၀း ၂၉  ကဗျာကို ‘မြေခွေးစပျစ်သီးချဉ်နည်း/ ဝံပုလွေလိုအုပ်ဖွဲ့တိုက်ခိုက်နည်း/

            မြွေလိုဖြားယောင်းမြိုချနည်း’ နဲ့ ကိုင်တွယ်ပါက

            အဲဒီ မကောင်းဆိုးဝါးရဲ့ ဦးခေါင်းကိုဖြတ်ယူပြီး

            ကဗျာဆရာသောက်ဖို့ ဝိုင်အရက်ခွက်လုပ်စေ

 

၀၀း ၂၈  ကဗျာဆရာဟာ ကဗျာဆိုတဲ့သေနတ်တစ်လက်နဲ့

            ကမ္ဘာကြီးကို ပစ်သတ်ပိုင်ခွင့်ရှိတယ်

 

၀၀း ၂၇  ကဗျာဆရာရဲ့ပိုင်ဆိုင်မှုဟာ ကုတ်အင်္ကျီနှစ်ထည်ဖိုးကပိုရင်

            ကဗျာရေးသားခွင့်ကို ပြန်လည်သိမ်းဆည်းစေ

 

၀၀း ၂၆  ကဗျာဆရာရဲ့လက်ထပ်ပွဲမှာ တရားဟောဆရာမလို

            ကဗျာဆရာနဲ့ သူ့ချစ်သူနှစ်ဦးပေါင်းရေးသားလက်မှတ်ထိုးထားတဲ့

            ကဗျာတစ်ပုဒ်ဟာ လက်ထပ်စာချုပ်ဖြစ်တယ်

 

၀၀း ၂၅  ကဗျာဆရာဟာ ‘လူတိုင်းရယူနိုင်တဲ့ချစ်ခြင်းမေတ္တာတရား’ ဖြစ်ပါစေ

            ကဗျာဆရာရဲ့တယောဟာ နီရိုးရဲ့တယောမဟုတ်

            ငါ့ဦးခေါင်းကို ရန်လိုနေတဲ့ မြွေတစ်ကောင်ပတ်ထားတယ်

            ငါ့ပျော်ရွှင်မှုဟာ စစ်ပွဲရဲ့သွေးထဲမှာနစ်နေတယ်

 

၀၀း ၂၄  ကဗျာကျမ်းစာကို ဘုရားသခင်ရဲ့သမ္မာကျမ်းစာနဲ့ မရောထွေးစေရ

 

၀၀း ၂၃  ကဗျာဆရာဟာ ကောင်းကင်ဘုံကို ယုံကြည်သည်ဖြစ်စေ/ မယုံကြည်သည်ဖြစ်စေ

            ကောင်းကင်ဘုံဟာ ကဗျာဆရာများရဲ့ အထက်မှာရှိနေသလို

            ပျက်သုဉ်းမှုဟာ ထာဝရဖြစ်တယ်

 

၀၀း ၂၂  အရူးများ ကဗျာဆရာယောင်ဆောင်လာပါက

            ကော်ဖီပူပူနဲ့ သေသည်အထိပက်လောင်းစေ

 

၀၀း ၂၁  ကဗျာဆရာဟာ ပိုက်ဆံလုပ်စက်မဟုတ်၍

            သူ့ကို မိုင်းတွင်းလုပ်သားတစ်ဦးလို ပိုက်ဆံမထုတ်လုပ်ခိုင်းရ

 

၀၀း ၂၀  ကဗျာဆရာဟာ မိမိအတွက် တစ်နေ့တာပေါင်မုန့်နဲ့အသားရာရှင်ကို

            ကဗျာရုံး (မိန်းမ/ မိသားစု/ မိတ်ဆွေတစ်ဦးဦး) ထံမှာ

            မနက်စာစားသောက်ပြီးတာနဲ့ ထုတ်ယူနိုင်တယ်

 

၀၀း ၁၉  ကဗျာဆရာကိုဆဲဆိုသူကို ကဗျာဘုရားကျောင်းမှ ခေါင်းလောင်းအဆံတွင်ချည်နှောင်၍

            တနင်္ဂနွေနေ့တစ်နေ့တွင် ထိုကဗျာဆရာ၏ကဗျာများကိုရွတ်ဆိုခိုင်း၍

            ကဗျာဆရာက ခေါင်းလောင်းကိုထိုးစေ

 

၀၀း ၁၈  ကဗျာဆရာကို ရိုက်မောင်းပုတ်မောင်းလုပ်သူကို လပြည့်ညသန်းခေါင်ယံမှာ

            ဂါဝန်ဝတ်ဘုန်းကြီးတစ်ပါးရဲ့ နှစ်သိမ့်မှုကိုခံယူရင်း

            နှင်းခဲဝံပုလွေများ လာရာလမ်းတွင် အဝတ်အစားမဲ့တည်ခင်းထားစေ

 

၀၀း ၁၇  ဝေဒနာရဲ့ဘာသာရေးဟာ ကဗျာအနုပညာဖြစ်တဲ့အတွက်

            ကဗျာဆရာအချင်းချင်းရဲ့ကဗျာကို ဝိညာဉ်တစ်ဖဲ့ဖြစ်စေ/ စကားတစ်လုံးဖြစ်စေ

            တစ်ခုခု ခိုးယူမိသူဟာ

            ဘုရားသခင်ရဲ့ဆေတန်ဖြစ်တဲ့အတွက် ငရဲရဲ့သူလျှိုဖြစ်တယ်

            သူဟာ ကဗျာနိုင်ငံတော်နဲ့မသက်ဆိုင်တော့

 

၀၀း ၁၆  ကဗျာနိုင်ငံတော်ရဲ့ မိန့်ခွန်းကို

            သေနတ်နဲ့အစိုးရ မပြောရ/ ငါပြောမယ်

            ကဗျာဆရာမှန်ရင် ညစာစားသောက်ခန်းနံရံမှာ

            ‘အော်သံ’ ပန်းချီကားချပ်ကို ချိတ်ဆွဲထားရမယ်

 

၀၀း ၁၅  ကဗျာဆရာဟာ တစ်ဦးတည်းနေထိုင်သူဖြစ်ပါက

            စပျစ်ခိုင်လိုနှုတ်ခမ်းသားနဲ့ ရင်သားကြီးတဲ့မိန်းမတစ်ဦးကို ရှာဖွေပေးမှာဖြစ်ပြီး

            မိသားစုရှိပါက၊ သိုး ၁၀ ကောင်နဲ့ ဂျုံတစ်ခင်းကို အရစ်ကျစနစ်နဲ့ ကြိုတင်ထုတ်ပေးထားပါမယ်

 

၀၀း ၁၄  ကဗျာနိုင်ငံတော်မှာ ‘ကဗျာ’ ဟာ ငွေကြေးဖြစ်တယ်

 

၀၀း ၁၃  ကဗျာနိုင်ငံတော်ကျမ်းစားထဲမှာ ‘လူ’ ဟာ အခမ်းနားအကြီးကျယ်ဆုံး မှားယွင်းမှုဖြစ်ပြီး

            ‘ဘဝ’ ဟာ အသေးသိမ် အနိမ့်ကျဆုံး အမှန်တရားဖြစ်တယ်

 

၀၀း ၁၂  ကဗျာနိုင်ငံတော်မှာ သေဆုံးသွားတဲ့ကဗျာဆရာတစ်ဦးအတွက် ပိရမစ်တည်ဆောက်ပေးလိမ့်မယ်

            သေသူရဲ့ကဗျာတွေကို အရုပ်ဘာသာစကားနဲ့ ပိရမစ်နံရံမှာရေးထိုးပေးထားပြီး

            သူ့ရုပ်အလောင်းဟာ ‘မံမီ’ တစ်ခုအဖြစ် ပိရမစ်ထဲမှာ ဆိတ်ငြိမ်စွာအိပ်စက်ခွင့်ရပါလိမ့်မယ်

           

၀၀း ၁၁  ကဗျာဆရာရဲ့သင်္ချိုင်းကို ထိပါးနှောင့်ယှက်သူဟာ

            သေဆုံးပြီးသူ ကဗျာဆရာဝိညာဉ်ရဲ့ကျိန်စာ ပြင်းထန်စွာသင့်လိမ့်မယ်

 

၀၀း ၁၀  ငါ့ကဗျာနိုင်ငံတော်ကို ငါတစ်ဦးတည်းတည်ဆောက်ထားပြီး

            ငါ့ကဗျာနိုင်ငံတော်ကျမ်းစာကို ငါတစ်ဦးတည်းရေးထိုးထားတယ်

            ဒါကြောင့် ငါ့ကဗျာနိုင်ငံတော်ရဲ့သမ္မတဟာ ငါဖြစ်ကြောင်း အတည်ပြုတယ်

 

၀၀း ၀၉  ငါဟာ ကဗျာဆရာအဖြစ်နေထိုင်ခွင့်ကို အပြည့်အဝလိုချင်၍

            သီးခြားကဗျာနိုင်ငံတော်တစ်ခု ထူထောင်ရခြင်းဖြစ်တယ်

 

၀၀း ၀၈  သင့်စာနာမှုကို တောင်းခံနေသော ငါ့မျက်လုံးများဟာ

            ရိုင်းသောခေတ်များရဲ့သွေးတစက်စက်ကျအောင် ထုတ်ပြန်ချက်တစ်ခုဖြစ်ပြီး

            လျှို့ဝှက်စွာရေးသားထားတဲ့ လူတစ်ယောက်ရဲ့ သေတမ်းစာတစ်စောင်လည်းဖြစ်တယ်

 

၀၀း ၀၇  သင့်ရဲ့ဆာလောင်မှု/ သေကောင်ပေါင်းလဲဖြစ်မှုတွေကို ဘုရားသခင်ရဲ့နားလည်မှုအနေနဲ့ရရှိခဲ့သူဟာ

            အထီးကျန်မှုထဲမှာ နှစ်များစွာစောင့်ဆိုင်းဖို့လည်း ဝန်မလေးတော့

 

၀၀း ၀၆  ညစ်ပတ်သောလမ်းများကိုသင်လျှောက်ဖို့

            သန့်ရှင်းသောခြေထောက်များကို ငါပေးအပ်ပါရစေ

            ငါ့ကိုယ်ပေါ်မှာတပ်ဆင်ထားတဲ့ လျှို့ဝှက်ယန္တရားများကို သင်ဖွင့်လော့

 

၀၀း ၀၅  သဲမှုန်အပြည့်လေရဲ့အကျဉ်းထောင်ထဲမှာ ဆူညံပျော်ပါးကခုန်နေကြတဲ့

            ကွယ်လွန်သူတို့ရဲ့ ဝိဉာဉ်တော်များထဲမှာ ငါ့စိတ်ဟာဆောက်တည်ရာမရ

            ဖြစ်ခဲ့ရပါတယ်

 

၀၀း ၀၄  ငါ့ကို ပိုးကောင်တွေလိုတစစ်စစ်ကိုက်ခဲခဲ့သူမှာ ငါ့အမည်နဲ့ကမ္ဘာကြီးထဲနေရာယူထားတဲ့

            ငါ့မျက်နှာအတုနဲ့ လူကြီးလူကောင်းများသာ

            သူတို့ကို ညည်းညူနေတဲ့အပျော်မယ်များရဲ့ ခြေအိတ်ထဲကအာလူးတစ်လုံးစီထုတ်ပေးပြီး

            ညစာစားပွဲမှထွက်ခွာရန် နောက်တစ်နာရီမှာ ကြေငြာပါလိမ့်မယ်

 

၀၀း ၀၃  ငါ့နိုင်ငံတော်မှာ ‘နေ’ ဟာ ငါ့ပျော်ရွှင်မှုရဲ့အထိမ်းအမှတ်အဖြစ်

            ‘လ’ ဟာ ငါ့ကြေကွဲလွမ်းဆွတ်မှုရဲ့ အထိမ်းအမှတ်အဖြစ် ထာဝရထွက်ပေါ်နေလိမ့်မယ်

            ငါ့နိုင်ငံတော်ရဲ့ဓမ္မတေးဟာ လူသေတို့ရဲ့ထိတ်လန့်ခြောက်ခြားဖွယ်အတွေ့အကြုံတွေကို

            အမွှမ်းတင်ထားတဲ့ ရော့ခ်သီချင်းတစ်ပုဒ်ဖြစ်တယ်

 

၀၀း ၀၂  အိပ်စက်ခြင်းကို အိပ်မက်များသိမ်းပိုက်ထား

            နိုးထခြင်းနိုင်ငံတော်မှာတော့ အနုပညာဝါဒများ စစ်ပွဲလိုတိုက်ခိုက်ခွင့်မပြု

            စစ်ပွဲလိုတိုက်ခိုက်သောကဗျာဆရာများဟာ ကဗျာဘုရားကျောင်းရဲ့စည်းမျဉ်းကို ဖောက်ဖျက်သူများဖြစ်၍

            ငါ့ထံမှာ အပြစ်ကိုဝန်ခံပြီး ဝိုင်အရက်နဲ့မိန်းမကိုစွန့်လွှတ်စေ

            ငါ့ကဗျာနိုင်ငံရဲ့ တစ်ခုတည်းသောဝါဒရေးရာမှာ

            လူသားအပေါ်ဘုရားသခင်လွှမ်းမိုးထားမှုကို ဖော်ထုတ်ဖို့ဖြစ်တယ်

 

၀၀း ၀၁  လူတွေဟာ ကမ္ဘာလောကကြီးထဲက အဓိပ္ပါယ်ရှိတဲ့စကားလုံးမှန်သမျှ လက်ဦးမှုရအောင်ယူငင်သွားပြီဖြစ်တဲ့အတွက်

            အဓိပ္ပါယ်မဲ့နေသောစကားလုံးများသာ ငါ့အတွက် အစုလိုက်အပုံလိုက်ကျန်နေတော့တယ်

            ငါ့အယူသည်းမှုများနဲ့တည်ဆောက်ထားတဲ့ ဒီကျမ်းစာဟာ အဲဒီအဓိပ္ပါယ်မဲ့နေတဲ့စကားလုံးအစုအဝေး(၄၂)ခုရဲ့

            အဓိပ္ပါယ်မဲ့ စုစည်းပြောဆိုမှုတစ်ခုသာဖြစ်တော့တယ်

 

၀၀း ၀၀  ပိုင် (သေဆုံးနေတဲ့ဖေရိုဘုရင်)

သရုပ်ဖေါ်ဓါတ်ပုံ ထိန်လင်း

အန်ကောဝပ်ဘုရားကျောင်းနံရံကျောက်ထွင်းလက်ရာ

 

ရေးသားတဲ့ကာလ

ဘီစီနှစ်များမှ အေဒီနှစ်များအထိ