|
(၂၁) ရာစုရဲ့ တံခါးဝ ရောက်လာတဲ့ အခါ၊ လိုအပ်ချက် အမျိုးမျိုးအတွက်၊ နိုင်ငံပြင်ပက မတူကွဲပြားတဲ့ ဒေသအသီသီးမှာ မတူကွဲပြားတဲ့ အလုပ်အကိုင် မျိူးစုံတို့ကို သွားရောက်လုပ်ကိုင်ကြရတာဟာ မြန်မာနိုင်ငံသားတွေရဲ့ လက်တွေ့ဘ၀ အစိတ်အပိုင်းတွေ ဖြစ်လာပါတယ်။
ဒါကြောင့်ပြည်ပမှာ အလုပ်သွားရောက်လုပ်ကိုင်ရင်း ရုန်းကန် ရင်ဆိုင်နေကြတဲ့ လူငယ်များရဲ့ ခံစားချက်တွေကို ကိုယ်စားပြုတဲ့ ကဗျာရှည်တစ်ပုဒ်ကို တင်ဆက်လိုက်ပါတယ်။ ကဗျာဆရာလှသန်း တစ်ယောက် ပြည်ပမှာအလုပ် လုပ်ခဲ့စဉ်က ရေးခဲ့တဲ့ကဗျာကို ပြည်ပရောက် လူငယ်များရဲ့ ရင်ခုန်သံများအား အလေးအနက် ထားသောအားဖြင့် ပြန်လည်ဖေါ်ပြလိုက်ပါတယ်။
ကောင်းကင်စာတည်းအဖွဲ့  (၁) အမှန်တကယ်ဖွံ့ဖြိုးဆဲ တိုင်းပြည်တစ်ပြည်ရဲ့ရွာ မြို့တော်နဲ့ ကီလိုမီတာ ၆၀ ခန့် ဝေးတဲ့နေရာ အဝေးပြေးလမ်းမကြီးရဲ့ ပခုံးပေါ်မှာ လေးထပ်တိုက် ၈ လုံးနဲ့ ဖွဲ့စည်းထားတဲ့ရွာ အာရှတိုက်ရဲ့ တနေရာလို့ ဆိုပါစို့ အဲဒီရွာရဲ့ အဋ္ဌမမြောက် တိုက်ခန်း တစ်ခန်းထဲမှာ အင်ဒိုနီးရှား လူငယ် ၄ ယောက် (နှစ်ယောက်က ညီအစ်ကို) ဘင်္ဂလားဒေ့ရှ် လူရွယ်တစ်ယောက် ပြီးတော့ ငါတို့ ၂ ယောက် ဓါရဏပရိတ်၊ ကိုရ်အန်ကျမ်း၊ ရော့ခ်သီချင်း ဂျင်းဘောင်းဘီ၊ ဝါယာကြိုးခွေများနဲ့ အမျိုးအမည်မသိ အလှမွေးငှက် ၂ ကောင် တစ်အိုး တစ်အိမ် ထူထောင်လို့နေကြ သူတို့ဘဝတွေဟာ အရှေ့တောင်အာရှ ကျွန်းဆွယ်ပေါ်က အကြမ်းထည် ပစ္စည်းပစ္စယတွေနဲ့ ခပ်ဆင်ဆင်တူနေရဲ့ |
