ကဗျာဆရာ ခင်မောင်နိုင်ဦး ပြောပြတာက သူ့ဇာတိရွာကလေးမှာ စာအုပ်ဆိုလို့ နှစ်အုပ်ပဲ ရှိသတဲ့။ တစ်အုပ်က ဘုရားရှိခိုးအမျိုးမျိုး၊ နောက်တစ်အုပ်က တွံတေးသိန်းတန် သီချင်းပေါင်းချုပ်။
စာနှစ်အုပ်သာရှိသမို့ သူက 'နှစ်အုပ်ရွာကလေး' လို့ ခေါ်တယ်။အဲသလို ရွာကလေးတွေ မြန်မာပြည်မှာ ဘယ်လောက်များလိုက်မလဲ။ ကွန်ပျူတာ အင်တာနက် ဝေလာဝေး၊ဖတ်စရာ စာအုပ်တောင် မရှိရှာတဲ့ ရွာကလေးတွေပေါ့။
အခု ကိုခင်မောင်နိုင်ဦး ကိုယ်တိုင် မြို့ကြီးပြကြီး ရောက်လို့ အလုပ်အကိုင် အဆင်ပြေလာတဲ့ အချိန် သူ့ရဲ့ အပြင်းပြဆုံး အာသီသက ဇာတိရွာကလေးမှာ စာကြည့်တိုက် တစ်ခု ဆောက်လုပ် လှူဒါန်းဖို့ပဲ။အခု ဒီဆန္ဒကို လက်တွေ့ အကောင်အထည် ဖော်နိုင်ခဲ့ပြီ။
ဇန်နဝါရီ ၂၅ ရက်က မတ္တရာမြို့နယ် ဥဒိန်အုပ်စု ဆင်ကုန်းရွာကလေးမှာ ကိုခင်မောင်နိုင်ဦး မိသားစုက ကျပ်သိန်း ၄၀ ကျော် အကုန်အကျခံ ဆောက်လုပ်လှူဒါန်းတဲ့ 'စာမတို့ရွာ' စာကြည့်တိုက်ဖွင့်ပွဲ ကျင်းပခဲ့တယ်။
ဖွင့်ပွဲအကြိုအဖြစ် ဇန်နဝါရီ ၂၄ ရက်က ဂီတမိတ်အဖွဲ့၊
သိန်းသန်းဝင်း(မလှိုင်)အဖွဲ့၊Royal Star Model အဖွဲ့ တို့က မေတ္တာနဲ့ ဧည့်ခံဖျော်ဖြေကြတယ်။စိမ်းရောင်စို အဖွဲ့ကလည်း ဆင်ကုန်းအမကမှာ အမှတ်တရ သစ်ပင်များ စိုက်ပျိုးတယ်။ညပိုင်းမှာ မြေလတ်မောင်မြင့်သူ၊ချစ်စရာ၊ လေးကိုတင်၊ညီမင်းညို တို့က စာပေဟောပြောတယ်။နောက်ရက်
မှာ ချစ်စံဝင်း၊လမင်းအိမ်တို့ရဲ့ စာပေဟောပြောမှုနဲ့ အတူ စာကြည့်တိုက်ဖွင့်ပွဲ ကျင်းပပါတယ်။အစီအစဉ် စုံပြီး လာခြင်းကောင်းတဲ့ စာကြည့်တိုက်ကလေးလို့ ဆိုရမှာပေါ့။
'စာမတို့ရွာ'စာကြည့်တိုက် ရှိလာပြီဆိုတော့ ဆင်ကုန်းရွာကလေးလည်း စာမတဲ့ကိန်း ဆိုက်ပြီပေါ့။

                                                            ရည်မွန်